नवी दिल्ली । इन्कम टॅक्स डिपार्टमेंटने चालू आर्थिक वर्षात (2021-22) 17 जानेवारी 2022 पर्यंत 1.74 कोटींहून जास्त करदात्यांना 1,59,192 कोटी रुपयांहून जास्तीचा रिफंड दिला आहे. हा आकडा 1 एप्रिल 2021 ते 17 जानेवारी 2022 दरम्यान केलेल्या रिफंडचा आहे. यामध्ये पर्सनल इन्कम टॅक्स रिफंड 56,765 कोटी रुपये होता, तर कॉर्पोरेट्सचा टॅक्स रिफंड 1,02,42 कोटी रुपये होता.
इन्कम टॅक्स डिपार्टमेंटने ट्विट करून सांगितले की, “CBDT ने 1 एप्रिल 2021 ते 17 जानेवारी 2022 दरम्यान 1.74 कोटीहून जास्त करदात्यांना 1,59,192 कोटी रुपये रिफंड केले आहेत. 1,72,01,502 प्रकरणांमध्ये 56,765 कोटी रुपयांचा इन्कम टॅक्स रिफंड आणि 2,22,774 प्रकरणांमध्ये 1,02,428 कोटी रुपयांचा कॉर्पोरेट टॅक्स रिफंड जारी करण्यात आला आहे. दुसर्‍या ट्विटमध्ये, डिपार्टमेंटने म्हटले आहे की, यामध्ये AY 2020-21 (31 मार्च 2021 रोजी संपलेले आर्थिक वर्ष) 26,372.83 कोटी रुपयांच्या 1.36 कोटी रिफंडचा समावेश आहे.
उल्लेखनीय म्हणजे, गेल्या आर्थिक वर्ष 2020-21 मध्ये, इन्कम टॅक्स डिपार्टमेंटने 2.38 कोटी करदात्यांना 2.62 लाख कोटी रुपयांचा टॅक्स रिफंड जारी केला होता. 2019-20 या आर्थिक वर्षात जारी केलेल्या 1.83 लाख कोटी रुपयांच्या रिफंडच्या तुलनेत हे 43.2 टक्के जास्त आहे.
इन्कम टॅक्स डिपार्टमेंटच्या नवीन वेबसाइटवरून रिफंडचे स्टेट्स तपासा-
तुम्हालाही इन्कम टॅक्स रिफंड मिळायचा असेल, तर तुम्ही त्याचे स्टेट्स ऑनलाइन पाहू शकता. इन्कम टॅक्स ई-फायलिंग पोर्टलद्वारे किंवा NSDL वेबसाइटद्वारे स्टेट्स तपासले जाऊ शकते.
>> सर्वप्रथम तुम्हाला http://www.incometax.gov.in या वेबसाइटवर जावे लागेल.
>> यूझर आयडी आणि पासवर्ड टाका.
>> लॉगिन केल्यानंतर तुम्हाला ई-फायलिंगचा पर्याय दिसेल.
>> आता तुम्ही इन्कम टॅक्स रिटर्न निवडा
>> त्यानंतर View File Return वर क्लिक करा.
>> आता तुमच्या ITR Details दाखवले जातील.
रिफंड मिळण्यास उशीर होण्याची ‘ही’ कारणे असू शकतात
इन्कम टॅक्स रिफंड अडकण्याचे एक प्रमुख कारण म्हणजे बँक खात्याच्या डिटेल्समधील चूक. फॉर्म भरताना तुम्ही तुमच्या खात्याचा तपशील चुकीचा टाकला असेल, तर त्यामुळे तुमचा इन्कम टॅक्स रिफंड अडकू शकतो. अशा परिस्थितीत, तुम्हाला इन्कम टॅक्स डिपार्टमेंटच्या वेबसाइटवर खात्याचे डिटेल्स दुरुस्त करावे लागतील.