नवी दिल्ली । इंग्लंडविरुद्धच्या दुसऱ्या कसोटीत केएल राहुल आणि रोहित शर्माच्या जबरदस्त खेळीमुळे भारताने पहिल्या दिवशी तीन गडी गमावून 276 धावा केल्या. केएल राहुल 127 धावा करून नाबाद राहिला आहे. केएल राहुलला आज लॉर्ड्सच्या मैदानावर इतिहास रचण्याची मोठी संधी आहे.
राहुलला आता लॉर्ड्सवर सर्वाधिक धावा करणारा भारतीय बनण्याची संधी आहे. सध्या राहुल या लिस्टमध्ये तिसऱ्या क्रमांकावर आहे. या लिस्टमध्ये विनू मंकड (184) यांचे नाव पहिल्या क्रमांकावर आहे. या लिस्टमध्ये दुसरा क्रमांक दिलीप वेंगसरकर (157) यांचा आहे, ज्यांना कर्नल म्हणूनही ओळखले जाते, लिस्टमध्ये तिसरा क्रमांक सौरव गांगुली (131) चा आहे. आपल्या शतकी खेळीमध्ये केएल राहुलने 108 व्या चेंडूवर पहिला चौकार लगावला. त्याने 107 चेंडूत फक्त 22 धावाच केल्या. यानंतर, मोईन अलीच्या चेंडूवर पहिला षटकार मारून चेंडू बाउंड्रीबाहेर पाठवण्यात आला.
केएल राहुल लॉर्ड्सच्या ऐतिहासिक मैदानावर शतक झळकावणारा 10 वा भारतीय आहे. या मैदानावर सर्वाधिक 3 शतके करणारे दिलीप वेंगसरकर आहेत. सौरव गांगुली, गुंडप्पा विश्वनाथ, विनू मकंड, दिलीप वेंगसाकर, मोहम्मद अझरुद्दीन, राहुल द्रविड, रवी शास्त्री, अजिंक्य रहाणे आणि अजित आगरकर यांनीही येथे शतके झळकावली आहेत. राहुलने लॉर्ड्सवर एका डावात सर्वाधिक धावा करणाऱ्या 10 खेळाडूंच्या लिस्टमध्ये 7 मागे टाकले आहे.
2000 नंतर भारतीय सलामीवीराने इंग्लंडमध्ये शतक झळकावण्याची ही केवळ सहावीच घटना आहे. गेल्या पाच शतकांपैकी एक राहुलचे शतक आहे. त्याने 2018 मध्ये ओव्हलवर 149 धावा केल्या होत्या.
कसोटी सामन्यांमध्ये केएलचे सहावे शतक आहे. इंग्लंडविरुद्ध हे त्याचे तिसरे शतक आहे. केएल राहुल लॉर्ड्सवर कसोटी शतक झळकावणारा तिसरा भारतीय सलामीवीर ठरला आहे. त्याच्या आधी, विनू मांकड आणि रवी शास्त्री हे दोनच खेळाडू हे टप्पा गाठणारे आहेत. सर्वाधिक कसोटी शतके करण्याच्या बाबतीत राहुल भारतीय फलंदाजांमध्ये 24 व्या क्रमांकावर आहे. एमएस धोनी आणि मन्सूर अली खान पतौडी यांनीही 6-6 शतके ठोकली आहेत.
राहुलची आता आशियाबाहेर चार कसोटी शतके आहेत, भारतीय सलामीवीरासाठी संयुक्त दुसरे सर्वाधिक. वीरेंद्र सेहवागच्या नावावरही तितकीच शतके आहेत. 15 शतकांसह सुनील गावस्कर अव्वल स्थानी आहेत. गेल्या 6 वर्षात भारताने आशियाबाहेर फक्त 4 शतके केली आहेत आणि ही सर्व चार शतके केएल राहुलच्या फलंदाजीनतून बाहेर पडली आहेत.
रोहित शर्मा आणि केएल राहुल लॉर्ड्स कसोटीत 100 पेक्षा जास्त धावा जोडणारी तिसरी भारतीय सलामी जोडी ठरली. त्याने पहिल्या विकेटसाठी एकूण 126 धावा जोडल्या. फारूख इंजिनिअर-सुनील गावस्कर (131), आणि विनू मंकड-पंकज रॉय (106) ही कामगिरी करणारी दुसरी भारतीय जोडी आहे.
रोहित शर्माने परदेशातील कसोटीतील आपली सर्वोच्च धावसंख्या नोंदवली. 2015 मध्ये त्याने कोलंबोमध्ये श्रीलंकेविरोधात 79 धावा केल्या होत्या. लॉर्ड्सवर रोहित शर्माने 83 धावांची खेळी केली.
या सामन्यात रोहित शर्मा आणि केएल राहुलने पहिल्या विकेटसाठी 126 धावा जोडल्या. 2000 पासून आशियाबाहेर कसोटी सामन्यांमध्ये भारतीय जोडीने त्यांची सहावी सर्वोच्च सलामी दिली आहे. केएल राहुलने रोहित शर्मासोबत 126 धावांची सलामी भागीदारी केली. यानंतर विराट कोहलीने तिसऱ्या विकेटसाठी 117 धावा जोडल्या. लॉर्ड्सवर एकाच सामन्यात भारतीय खेळाडूने दोन शतकी भागीदारी करण्याची ही पहिलीच वेळ आहे.
जेम्स अँडरसनने चेतेश्वर पुजाराला कसोटी सामन्यांमध्ये नऊ वेळा बाद केले आहे. केवळ ऑस्ट्रेलियाचा ऑफस्पिनर नॅथन लायनने कसोटी सामन्यांमध्ये पुजाराला सर्वाधिक वेळा बाद केले आहे. जेम्स अँडरसनने आता लॉर्ड्सवर भारताविरुद्ध 30 विकेट्स घेतल्या आहेत, ज्यात भारताविरुद्ध कसोटी सामन्यांमध्ये सर्वाधिक आहेत. श्रीलंकेचा माजी ऑफस्पिनर मुथय्या मुरलीधरनने यापूर्वी हा विक्रम केला होता. त्याने कोलंबोमध्ये भारताविरुद्ध 29 विकेट्स घेतल्या आहेत.