हॅलो महाराष्ट्र ऑनलाईन । भारताचा स्टार क्रिकेटर श्रीसंत गेल्या काही काळापासून चित्रपट सृष्टीत आपले स्थान मिळवण्याचा प्रयत्न करत आहे. श्रीसंतने HELO अॅपवर लाईव्ह येत आपण मराठी चित्रपट सृष्टीत पदार्पण करणार असल्याचे सांगितले.
शुक्रवारी HELO अॅपवर केलेल्या लाईव्हमध्ये श्रीसंतने सांगितले की आतापर्यंत मी जे कीही रोल्स केलेत त्यातील हा सर्वोत्तम रोल असणार आहे. या मराठी चित्रपटाटे नाव मुंबईचा वडापाव असल्याचेदेखील श्रीसंतने सांगितले. या चित्रपटाची शुटींग पुणे आणि नाशिकमध्ये होण्याची शक्यता आहे.
श्रीसंतच्या या चित्रपटात मल्याळम आणि मराठी चित्रपटसृष्टीतील काही प्रसिद्ध कलाकारही दिसण्याची शक्यता आहे. क्रिकेट कारकीर्द थांबल्यानंतर २०१७ मध्ये श्रीसंत ‘अक्सर 2’ या चित्रपटाद्वारे अभिनय क्षेत्रात पदार्पण केले होते. तसेच श्रीसंतने लोकप्रिय ‘बिग बॉस’ या रिअॅलिटी शोमध्येही सहभाग घेतला होता.