व्हाट्सअप ग्रुप जॉईन करा
Take a fresh look at your lifestyle.


ताज्या बातम्याब्रेकिंगमुख्य बातम्या

ISRO कडून आझादी उपग्रह लॉन्च, अंतराळात फडकणार तिरंगा; पहा व्हिडिओ

By Akshay Patil

हॅलो महाराष्ट्र ऑनलाईन । भारतीय अंतराळ संशोधन केंद्राने (इस्रो) आणखी एक मोठी कामगिरी केली आहे. ISRO ने सतीश धवन अंतराळ केंद्र, श्रीहरिकोटा येथून SSLV-D1 चे यशस्वी प्रक्षेपण केले. या उपग्रहामध्ये पृथ्वी निरीक्षण उपग्रह (EOS-02) आणि विद्यार्थ्यांनी तयार केलेला उपग्रह – आझादीसात आहे. याच्या मदतीने अंतराळात तिरंगा फडकवला जाईल. 750 विद्यार्थ्यांनी मिळून त्याची तयारी केली आहे.

आज ७ ऑगस्ट रोजी सकाळी ९ वाजून १८ मिनिटांनी हे रॉकेट लॉन्च करण्यात आले. या रॉकेटच्या साहाय्याने इस्रो कमी वेळेत आणि खर्चात खालच्या कक्षेत (पृथ्वीपासून 500 किमी पर्यंत) 500 किलो वजनाचे उपग्रह पाठवू शकणार आहे. या मोहिमेत इस्रो पृथ्वी निरीक्षण उपग्रह-02 आणि आझादीसॅट हे दोन उपग्रह पाठवत आहे. पाच तासांचे काउंटडाउन रविवारी पहाटे 04:18 वाजता सुरू झाले आणि श्रीहरिकोटा येथील सतीश धवन अंतराळ केंद्रातून सकाळी 09:18 वाजता प्रक्षेपित करण्यात आले.

EOS-02 हा अवकाशयानाच्या लहान उपग्रह मालिकेतील ‘आझादीसॅट’ हा उपग्रह आहे ज्यामध्ये 75 स्वतंत्र उपकरणे आहेत, प्रत्येकाचे वजन सुमारे 50 ग्रॅम आहे. देशभरातील ग्रामीण भागातील विद्यार्थिनींना ही उपकरणे तयार करण्यासाठी इस्रोच्या शास्त्रज्ञांनी मार्गदर्शन केले होते. स्पेस किडझ इंडिया’ने विकसित केलेल्या ग्राउंड सिस्टिमचा वापर या उपग्रहातून डेटा प्राप्त करण्यासाठी केला जाणार आहे.