हॅलो महाराष्ट्र ऑनलाईन । देशातील आघाडीची टेलिकॉम कंपनी असलेल्या Jio ने आपल्या रिचार्ज प्लॅनच्या (Jio Recharge Plan) किमतीत वाढ करून ग्राहकांना जोर का झटका दिला आहे. मात्र आता याच ग्राहकांना खुश करण्यासाठी कंपनीने २ नवे रिचार्ज प्लॅन लाँच केले आहेत. या दोन्ही प्लॅनच्या किमती अनुक्रमे 749 रुपये आणि 899 रुपये आहे. बाब म्हणजे या दोन्ही प्लॅनच्या माध्यमातून जिओ आपल्या वापरकर्त्यांना २० GB इंटरनेट Free यामध्ये देणार आहे. त्यामुळे ग्राहकांसाठी हे दोन्ही प्लॅन अगदी परवडणारे असतील. आज आपण या दोन्ही प्लॅनचे डिटेल्स जाणून घेऊयात..
Jio चा 749 रुपयांचा प्लॅन –
749 रुपयांच्या या रिलायन्स जिओ रिचार्ज प्लॅनमध्ये कंपनी दररोज 2 जीबी हायस्पीड डेटा, अनलिमिटेड कॉलिंग आणि दररोज 100 एसएमएसची सुविधा देते. करेल. हा मोबाईल रिचार्ज प्लॅन 72 दिवसांच्या वैधतेसह येत असून यामध्ये ग्राहकांना एकूण 144 GB हाय स्पीड इंटरनेट डेटाचा लाभ घेता येतोय. याव्यतिरिक्त कंपनी 20 जीबी फ्री डेटा सुद्धा देत आहे, ज्यामुळे ग्राहकांना एकूण 164 जीबी इंटरनेट डेटाचा आनंद घेण्याची संधी मिळतेय.
Jio चा 899 रुपयांचा प्लॅन –
८९९ रुपयांच्या या जिओ प्रीपेड प्लॅनमध्ये तुम्हाला रिलायन्स जिओकडून दररोज २ जीबी हायस्पीड डेटा मिळेल. जिओ चा हा रिचार्ज प्लान 90 दिवसांच्या व्हॅलिडिटी नुसार येतोय. त्यानुसार हा प्लान एकूण 180GB हाय स्पीड डेटा ऑफर करतो, परंतु आम्ही तुम्हाला सांगितल्याप्रमाणे, या रिचार्ज प्लॅन मध्येही ग्राहकांना 20 GB अतिरिक्त डेटाचा लाभ मिळेल. म्हणजेच 899 रुपयांच्या प्लॅनमध्ये यूजर्स एकूण 200 GB इंटरनेटचा आनंद घेऊ शकतात.