गानसम्राज्ञी लता मंगेशकर कोरोनामुक्त, प्रकृतीत सुधारणा; आरोग्यमंत्र्यांची माहिती

हॅलो महाराष्ट्र ऑनलाइन | गानसम्राज्ञी लता मंगेशकर या कोरोनामुक्त झाल्या असून याबाबतची माहिती आरोग्यमंत्री राजेश टोपे यांनी दिली. लता दीदींच्या प्रकृतीत चांगली सुधारणा दिसून येतेय. त्या गेल्या 15 दिवसांपासून व्हेंटिलेटरवर होत्या. मात्र आता त्यांचं व्हेंटिलेटर काढून टाकण्यात आलेलं आहे. असेही टोपे म्हणाले.

लता दीदी कोरोनातून ठीक झाल्या आहेत पण, सध्या ब्रेन इन्फेक्शन आहे. यामध्ये सुधारणा करण्याबाबत डॉक्टरांचे प्रयत्न सुरू आहेत. सध्या लता दीदी डोळे उघडत आहेत आणि थोडं बोलतही आहेत. त्या डॉक्टरांच्या उपचाराला चांगला प्रतिसादही देता आहेत. असंही राजेश टोपेंनी सांगितलं.

दरम्यान, काही दिवसांपूर्वी लता मंगेशकर यांना कोरोनाची लागण झाली होती. त्यांनतर त्यांचे चाहते चिंतेत होते. काही दिवसांपूर्वी मंगेशकर कुटुंबीयांनी निवेदन दिलं होतं. लता दीदींच्या प्रकृतीबाबत दररोज माहिती देणं शक्य नाही असे त्यांनी म्हंटल होत.