नवी दिल्ली । लाइफ इन्शुरन्स कॉर्पोरेशन ऑफ इंडिया (LIC) या देशातील सर्वात मोठ्या इन्शुरन्स कंपनीने इनिशियल पब्लिक ऑफरिंग (IPO) पूर्वी मालमत्तेच्या गुणवत्तेत (Asset Quality) लक्षणीय सुधारणा केली आहे. सार्वजनिक क्षेत्रातील कंपनी LIC च्या नवीनतम वार्षिक रिपोर्ट्स नुसार, 31 मार्च 2021 पर्यंत, तिची नॉन परफॉर्मिंग एसेट्स (NPA) 35,129.89 कोटी रुपये होती तर तिचा एकूण पोर्टफोलिओ 4,51,303.30 कोटी रुपये होता.
LIC ने म्हटले आहे की, इन्शुरन्स रेगुलेटरी अँड डेव्हलपमेंट अथॉरिटी ऑफ इंडिया (IRDA) च्या मार्गदर्शक तत्त्वांनुसार त्यांनी NPA साठी 34,934.97 कोटी रुपयांच्या आर्थिक तरतुदी देखील केल्या आहेत.
FY21 मध्ये ग्रॉस NPA प्रमाण 7.78 टक्के
31 मार्च 2021 रोजी संपलेल्या आर्थिक वर्षात LIC चे ग्रॉस NPA प्रमाण 7.78 टक्के आहे तर तिचा नेट NPA 0.05 टक्के होता. त्याच्या कर्ज पोर्टफोलिओच्या टक्केवारीनुसार ग्रॉस NPA 8.17 टक्के होता तर नेट NPA एक वर्षापूर्वी 0.79 टक्के होता.
खऱ्या अर्थाने, वर्ष 2019-20 मध्ये LIC चा NPA 36,694.20 कोटी रुपये होता आणि त्याचे ग्रॉस कर्ज 4,49,364.87 कोटी रुपये होते. इन्शुरन्स कंपन्यांसाठी स्ट्रेस थ्रेशोल्ड बँकांपेक्षा वेगळा असतो. LIC साधारणपणे त्यांच्या सर्व NPA साठी पूर्ण तरतूद करत आहे.
LIC कायद्यात सुधारणा
LIC पुढील काही महिन्यांत IPO आणण्याच्या तयारीत आहे. कंपनीला बाजारात लिस्टेड करण्यासाठी सरकारने आवश्यक कायदेशीर सुधारणाही केल्या आहेत. या दुरुस्तीनुसार, सरकार पुढील पाच वर्षांसाठी LIC मध्ये 75 टक्के स्टेक ठेवेल आणि नंतर ते किमान 51 टक्क्यांपर्यंत खाली आणेल.