मुंबई । कोरोना व्हायरसमुळे देशात लागू केलेल्या लॉकडाऊमुळे लोक आपापल्या घरांमध्ये बंद आहेत. बॉलिवूडचा दबंग सलमान खान सुद्धा लॉकडाऊनमुळे जवळपास आपल्या संपूर्ण कुटुंबासोबत पनवेल येथील त्याच्या फार्महाउसमध्ये अडकला आहे. यावेळी त्याच्यासोबत जॅकलीन, वलूशा डीसूजा आणि आयुष शर्मा हे सुद्धा आहेत. याकाळात सलमान खानने ‘प्यार कोरोना’ हे आपलं गाणं रिलीज केलं होतं. त्याच्या चाहत्यांनी हे गाण डोक्यावर घेतलं होतं. अशातच आता सलमान खानने त्याचं नवं कोरं गाणं ‘तेरे बिना’ लॉन्च केलं आहे. या म्युझिक व्हिडीओमध्ये सलमानसोबत अभिनेत्री जॅकलीन फर्नांडिस आहे.
या म्युझिक व्हिडीओबाबत खास गोष्ट म्हणजे, हे संपूर्ण गाणं सलमान खानने आपल्या पनवेलमधील फार्म हाऊसवर शूट केलं आहे. व्हिडीओ पाहताना हा व्हिडीओ फक्त एकाच ठिकाणी शूट केला आहे, यावर विश्वासच बसत नाही. डोंगर, रस्ते आणि तलाव यांमुळे या गाण्यातील लोकेशन्स तुम्हाला आपल्या प्रेमात पाडतात. गाण्यामध्ये सलमान खान आणि जॅकलीन फर्नांडिस या दोघांमधील रोमॅन्टिक केमिस्ट्री पाहायला मिळत आहे.
चला तर पाहुयात हे गाणं..
”ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”
