मालेगाव : हॅलो महाराष्ट्र – मालेगावमध्ये एक भीषण अपघात घडला आहे. यामध्ये ट्रकखाली चिरडून चार वर्षांच्या मुलाचा जागीच मृत्यू झाला आहे. नाशिक जिल्ह्यात मालेगांव शहरातील पवारवाडी शिवारामध्ये रझा चौकात हा भीषण अपघात घडला आहे. वडिलांसोबत पायी निघालेल्या चिमुकल्याला भरधाव ट्रकने धडक दिल्यामुळे त्याचा मृत्यू झाला आहे. हाफिजूर रहेमान अन्सारी असे या मृत चिमुकल्याचे नाव आहे. वडिलांच्या डोळ्यादेखतच या चिमुरड्याने आपले प्राण सोडले आहे. या चिमुकल्याच्या मृत्यूने कुटुंबीयांवर दुःखाचा डोंगर कोसळला आहे. या संपूर्ण घटनेमुळे परिसरात हळहळ व्यक्त केली जात आहे.
नेमकं काय घडलं?
नाशिक जिल्ह्यात मालेगांव शहरातील पवारवाडी शिवारामध्ये रझा चौकात एक मोठा अपघात घडला आहे. यामध्ये एका चिमुकल्याचा ट्रकखाली चिरडून मृत्यू झाला आहे.
ट्रकच्या चाकाखाली चिरडून मृत्यू
रझा चौकात बापलेक चालत येत होते. यावेळी भरधाव वेगाने येणाऱ्या ट्रकच्या चाकाखाली दबला गेल्याने चिमुकल्याचा मृत्यू झाला आहे. हाफिजूर रहेमान अन्सारी असे या मृत चिमुरड्याचे नाव आहे.
भरधाव ट्रकमुळे अपघातांमध्ये वाढ
काही महिन्यांपूर्वीही ट्रक खाली चिरडून असाच एका मुलाचा मृत्यू झाला होता. मालेगाव शहरात अशाच पद्धतीने भरधाव ट्रकचा वावर असल्याने असे अपघात होत असतात. यामुळे नागरिकांमध्ये मोठ्या प्रमाणात संताप व्यक्त केला जात आहे.