आता कार खरेदी न करताही, आपण घेऊ शकता कार घेण्याचे सर्व फायदे, ही योजना नक्की काय आहे ते जाणून घ्या

हॅलो महाराष्ट्र ऑनलाईन । देशातील सर्वात मोठी कार निर्माता असलेली कंपनी मारुती सुझुकी एक उत्कृष्ट अशी योजना घेऊन आली आहे. ज्या अंतर्गत आपण गाडी न खरेदी करताही तिचा आनंद घेऊ शकता. यासाठी कंपनीने मारुती सुझुकी सबस्क्राईब नावाचा कार्यक्रम सुरू केला आहे. हैदराबाद आणि पुणे येथे पायलट प्रोजेक्ट म्हणून चालविण्यासाठी कंपनीने मायल्स ऑटोमोटिव्ह टेक्नॉलॉजीशी (Myles Automotive Technologies) करार केला आहे.

सबस्क्राइब प्रोग्राम म्हणजे काय आहे ते जाणून घ्या?
या सेवेनुसार आपण प्रत्यक्ष गाडी खरेदी न करता तिच्या मालकीची मजा घेऊ शकता. आपण नवीन स्विफ्ट, डिजायर, विटारा ब्रेझा, अर्टिगा, बलेना, सियाझ आणि एक्सएल 6 वर 12 महिने, 18 महिने, 24 महिने, 30 महिने, 36 महिने, 42 महिने आणि 48 महिन्यांसाठी सबस्क्राइब करू शकता.

पुण्यात 17,600 रुपये आणि हैदराबादमध्ये 18,350 रुपयांचे सब्सक्रिप्शन अमाउंट द्यावे लागेल
यासाठी ग्राहकांना पुण्यात स्विफ्ट एलएक्सआयसाठी दरमहा 17,600 रुपये सबस्क्रिप्शन चार्ज द्यावे लागते. हैदराबादमध्ये ही रक्कम 18,350 रुपये आहे. त्यात सर्व करांचा समावेश आहे तसेच त्यासाठी कोणतेही डाउन पेमेंट नाही. सबस्क्रिप्शन कालावधी संपल्यानंतर ग्राहक बायबॅक पर्यायाची सुविधा देखील घेऊ शकतात.

या योजनेचे फायदे
>> ग्राहकांना झिरो डाउन पेमेंट करावे लागेल
>> कंप्लीट कार मेंटनेंस
>> विमा
>> 24 तास रोडसाइड सपोर्टची सुविधा
>> रीसेलसाठीही कोणतीच अडचण नाही

हा प्रोग्राम तरुणांना आवडेल: मारुती
या प्रोग्रामची घोषणा करताना मारुती सुझुकी इंडियाचे कार्यकारी संचालक (मार्केटिंग अँड सेल्स) शशांक श्रीवास्तव म्हणाले की, व्यवसायातील गतिशीलता बदलत असताना अनेक ग्राहकांना सार्वजनिक वाहतुकीतून स्वतःच्या वाहनांकडे वळायचे आहे. त्यांना असा उपाय हवा आहे जो त्यांच्या खिशावर जास्त ओझे देणार नाही. आम्हाला आशा आहे की, बरेच लोक या कार्यक्रमात सामील होतील. विशेषतः हे एका वर्षात कार बदलू इच्छित असलेल्या तरुणांना नक्कीच आवडेल.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.

You might also like