Mumbai Fashion street | मुंबई ही एक स्वप्नांची नगरी आहे. या ठिकाणी आपल्याला सगळ्याच गोष्टींची उपलब्धता होते. त्यातही खास करून अनेक लोक मुंबईमध्ये शॉपिंग करायला जातात. शॉपिंग करण्यासाठी मुंबईमध्ये अनेक पर्याय आहेत. परंतु त्यातील चर्चगेट आणि छत्रपती शिवाजी महाराज टर्मिनस यांच्या मधोमध असलेले फॅशन स्ट्रीट खूपच फेमस आहे. अनेक लोक या ठिकाणी शॉपिंग करण्यासाठी येत असतात. परंतु आता या फॅशन स्ट्रीटचे रूप लवकरच बदलणार आहे. म्हणजेच आता नावाप्रमाणे हे फॅशन स्ट्रीट फॅशनेबल होणार आहे. आणि सर्वसामान्य लोकांसोबत अनेक अभिनेत्री देखील या ठिकाणी शॉपिंग करताना दिसत असतात. देश विदेशातील पर्यटक मुंबईला आल्यावर फॅशनची स्ट्रीटला खास भेट देण्यासाठी जातात. आता याच फॅशन स्ट्रीटचा (Mumbai Fashion street) पूर्णपणे काळ्यापालट होणार आहे. विधानसभा निवडणुका तोंडावर आलेला आहेत. आणि त्याआधी शिंदे सरकार भूमिपूजन देखील करणार आहे. आणि यासारखे आता मुंबईला महानगरपालिकेने देखील तयारी सुरू केलेली आहे.
याबाबत मुंबई महानगरपालिकेने अशी माहिती दिलेली आहे की, केवळ एकाच महिन्यांमध्ये या फॅशन स्ट्रीटचे पूर्णपणे रूप बदलणार आहे. या फॅशन स्ट्रीटची नव्याने उभारणी देखील करण्यात येणार आहे. आझाद मैदान ते क्रॉस मैदानातील गार्डन दिसतील. अशा प्रकारे या फॅशन स्ट्रीटचे काम करण्यात येणार आहे. तसेच या ठिकाणी अनेक आधुनिक सोयी सुविधा असणार आहेत. स्वच्छतागृह आणि फर्निचरची व्यवस्था देखील असणार आहे. सध्या फॅशन स्ट्रीटमध्ये 112 दुकाने आहेत आणि आता ती दुकाने फुटपाथला लागून होती. परंतु ही दुकाने आता एकमेकांच्या समोर असणार आहे. त्यात थोडी जागा आणि बसायला बेंचेस देखील उपलब्ध केले जाणार आहेत.
युरोपीय आणि सिंगापूरच्या धर्तीवर आता या फॅशन स्ट्रीटचा मोठ्या प्रमाणात विकास केला जाणार आहे. आणि यासंबंधीच्या प्रस्तावाला मंजुरी देण्यात आलेली आहे. या कामाचे टेंडर देखील झाले जारी केलेली आहे. दक्षिण मुंबईमध्ये अनेक आकर्षण आहेत यासाठी अनेक लोक हे गेटवे ऑफ इंडिया, मरीन ड्राईव्ह तसेच देश विदेशातील पर्यटक फिरायला येतात आणि फॅशन स्ट्रीटला खरेदी देखील करतात. सणासुदीच्या काळात तर या ठिकाणी मोठ्या प्रमाणात गर्दी असते. गेल्या अनेक वर्षांपासून हे फॅशन स्ट्रीट चालत आहे. या ठिकाणी 112 दुकाने आहेत. या दुकान हे दुकाने जास्तीत जास्त फुटपाथवर मांडण्यात आलेली आहेत. तसेच या ठिकाणी बसायला देखील अजिबात जागा नाही. याचा अनेक नागरिकांना त्रास होतो. तसेच आधुनिक शौचालय देखील नाही. परंतु आता या फॅशन स्ट्रीटचे पूर्ण रूप बदलल्यानंतर या सगळ्या सोयी सुविधांचा लाभ नागरिकांना मिळणार आहे
