हॅलो महाराष्ट्र ऑनलाइन | काँग्रेसचे अत्याचार, भ्रष्टाचार आणि देशाच्या संस्कृतीचा ऱ्हास यामुळे निर्माण झालेले निराशेचे वातावरण संपवण्यासाठी पंतप्रधान नरेंद्र मोदी यांनी भगवान राम आणि कृष्णाप्रमाणेच ‘देवाचा अवतार’ म्हणून जन्म घेतला, असे विधान मध्य प्रदेशचे कृषिमंत्री आणि भाजप नेते कमल पटेल यांनी केले. हरदा येथे सोमवारी पत्रकारांशी बोलताना पटेल म्हणाले की, भारताला विश्वगुरू बनवण्याच्या मार्गावर नेणे, देशाला भ्रष्टाचारमुक्त करणे, लोककल्याणाची हमी देणे अशी जी कामे पंतप्रधान मोदींनी पूर्ण केली आहेत ती सामान्य माणसाच्या हातून होऊ शकत नाहीत.
पटेल म्हणाले, “आपल्या धर्मात आणि संस्कृतीत असे म्हटले जाते की जेव्हा जेव्हा भारतावर संकट येते आणि अत्याचार वाढतात तेव्हा देव मानवाच्या रूपात अवतार घेतात.” ते म्हणाले की, भगवान रामाने मानवाच्या रूपात अवतार घेतला आणि राक्षस रावणाचा वध करून आणि इतर वाईट शक्तींचा पराभव करून “रामराज्य” ची स्थापना केली., कंसाचे अत्याचार वाढले तेव्हा भगवान श्रीकृष्णाने जन्म घेऊन कंसाचे क्रौर्य संपवून सर्वसामान्यांना दिलासा दिला. त्याचप्रमाणे जेव्हा काँग्रेसचे अत्याचार वाढले, अत्याचार वाढले ते संपवण्यासाठी मोदींचा जंन्म झाला असेही त्यांनी म्हंटल
भ्रष्टाचारमुक्त सरकार देणारे आणि सर्वसामान्यांचे कल्याण करणारे पंतप्रधान मोदी यांच्या नेतृत्वाखाली भारत विश्वगुरू होत आहे. म्हणूनच पंतप्रधान नरेंद्र मोदी हे अवतारी पुरुष आहेत आणि त्यांनी अशक्य गोष्टी केल्या आहेत. मोदी हे देवाचा अवतार आहे असे कमल पटेल यांनी म्हंटल