सातारा प्रतिनिधी । शुभम बोडके
सातारा जिल्ह्यात आज जाहीर झालेल्या निवडणूक निकालात लोणंद व खंडाळा या दोन्ही नगरपंचायतीत राष्ट्रवादीच्या आमदार मकरंद पाटील यांचा बोलबाला असल्याचे दिसून आले. दोन्ही नगरपंचायती मध्ये राष्ट्रवादीने दहा जागा जिंकून निर्विवाद सत्ता मिळवली.
लोणंद नगरपंचायत राष्ट्रवादीच्या पॅनेलला नऊ जागा मिळाल्या होत्या. भाजप आणि काँग्रेसला प्रत्येकी तीन जागा मिळाल्या शिवसेनेला याठिकाणी खाते उघडण्यात यश आले नाही. लोणंद नगरपंचायत एका जागेवर ती समान मते पडली या जागेवर चिठ्ठीद्वारे राष्ट्रवादीलाच नशिबाचा कौल मिळाला. त्यामुळे आमदार गटाला दहा जागा वरती विजय मिळाला.
लोणंद नगरपंचायतीत अँड. बाळासाहेब बागवान यांच्या निधनानंतर पहिल्यांदाच निवडणूक झाली. या ठिकाणी काँग्रेस आणि राष्ट्रवादी या दोन पक्षांमध्ये जोरदार सामना होईल असे वाटत होते मात्र काँग्रेस या ठिकाणी पिछाडीवर पडल्याचे दिसून आले तर भाजपनेही तीन जागेवर विजय मिळवला.
https://www.facebook.com/hellomaharashtra.in/videos/459562302323895/?extid=NS-UNK-UNK-UNK-AN_GK0T-GK1C&ref=sharing
खंडाळा नगरपंचायत भाजपचे शंकरराव गाढवे यांना सात जागेवरती यश मिळाले तर राष्ट्रवादीला दहा जागेवर यश मिळाल्याने सत्ता राखली. येथे काँग्रेस व शिवसेनेला कोणतेही यश मिळाले नाही. खंडाळा, लोणंद येथील सत्ता मिळाल्याने आमदार मकरंद पाटील गटाचा व राष्ट्रवादी पक्षाचा या ठिकाणी बोलबाला असल्याचे पुन्हा एकदा सिद्ध झाले.
