संगीतप्रेमींच्या कानांना तृप्त करणारे अलौकिक स्वर आज हरपले; लतादीदींच्या निधनाने शरद पवार हळहळले

हॅलो महाराष्ट्र ऑनलाइन | गानसम्राज्ञी आणि भारतरत्न लता मंगेशकर यांचे आज निधन झालं आहे. लता मंगेशकर याना कोरोनाची लागण झाली असून गेल्या 27 दिवसांपासून त्यांना ब्रीच कँडी रुग्णालयात दाखल करण्यात आले होते. लता मंगेशकर यांच्या निधनानंतर सर्वच क्षेत्रातून दुःख व्यक्त केल जात आहे. राष्ट्रवादी काँग्रेसचे अध्यक्ष शरद पवार यांनी ट्विट करत हळहळ व्यक्त केली.

जगभरातील कोट्यवधी संगीतप्रेमींच्या कानांना तृप्त करणारे अलौकिक स्वर आज हरपले. लतादीदींच्या आवाजाच्या परीसस्पर्शाने अजरामर झालेल्या गीतांच्या माध्यमातून हा स्वर आता अनंतकाळ आपल्या मनांमध्ये गुंजन करत राहील. गानसम्राज्ञी लता मंगेशकर यांना भावपूर्ण श्रद्धांजली! असे ट्विट करत शरद पवार यांनी आदरांजली वाहिली.

दरम्यान, लता मंगेशकर यांनी वयाच्या 93 व्या वर्षी अखेरचा श्वास घेतला. गेल्या महिन्यापासून त्यांना कोरोना आणि न्यूमोनिया ची एकत्र लागण झाली होती. मध्यंतरी त्यांच्या प्रकृतीत सुधारणा झाली होती. मात्र आज त्याची प्राणजोत मालवली. संगीत क्षेत्रासाठी आणि संपूर्ण देशासाठी ही दुःखाची गोष्ट आहे.