हॅलो महाराष्ट्र ऑनलाईन | राष्ट्रवादी काँग्रेसचे प्रवक्ते नवाब मलिक यांच्यावर भाजप नेते तथा प्रदेशाध्यक्ष चंद्रकांत पाटील यांनी टीका केली आहे. त्या टीकेला मलिक यांनी प्रत्युत्तर दिले असून ‘भाजप प्रदेशाध्यक्ष चंद्रकांत पाटील यांचा खिसा इतका मोठा आहे हे मला माहीत नव्हतं. मी वाट बघतोय ते कधी त्यांच्या खिशात टाकतायत’ असे आव्हानही मलिक यांनी दिले आहे.
भाजपचे प्रदेशाध्यक्ष चंद्रकांत पाटील यांनी माध्यमांशी बोलताना नवाब मलिक यांच्यावर टीका केली होती. त्यांच्या या टीकेचा आज मलिक यांनी चांगलाच समाचार घेतला. मलिक यांनी आज माध्यमांशी संवाद साधला. यावेळी ते म्हणाले की, भाजपाचे प्रदेशाध्यक्ष चंद्रकांत पाटील यांनी माझ्याबद्दल एक विधान केले आहे. ते म्हणतात की नवाब मलिक सारख्याला मी खिशात ठेवतो. पाटील यांचा खिसा एवढा मोठा आहे हे मला माहिती नव्हते.
भाजप प्रदेशाध्यक्ष चंद्रकांत पाटील सांगत आहेत मी नवाब मलिक यांना खिशात ठेवतो. त्यांचा खिसा इतका मोठा आहे हे मला माहीत नाही. मी वाट बघतोय ते कधी त्यांच्या खिशात टाकत आहेत. मी त्यांच्या खिशात काय काय आहे हे जनतेसमोर आणणार आहे त्यासाठी चंद्रकांतजी मला तुमच्या खिशात टाका. (1/2) pic.twitter.com/aMZU3VM6sN
— Nawab Malik نواب ملک नवाब मलिक (@nawabmalikncp) October 31, 2021
आता चंद्रकांत पाटील मी वाट पाहतोय की तुम्ही मला आपल्या मोठ्या खिशात टाकावं. मी पाहिल तुमच्या खिशात काय काय आहे आणि बाहेर येऊन जनतेला सांगेन. त्यांचा एवढा मोठा खिसा असेल तर लवकरात लवकर त्यांनी मला खिशात टाकावं मी वाट पाहतोय, असे मलिक यांनी म्हंटले आहे.
