हॅलो महाराष्ट्र ऑनलाईन । उद्या नेपाळच्या संसदेमध्ये भारताच्या सीमेवरील वादाबाबत एक विधेयक मांडले जाईल. नेपाळचा एक भाग म्हणून या विधेयकात कालापानी, लिंपियाधुरा आणि लिपुलेख यांचा उल्लेख आहे आणि त्याला घटनात्मक आधार देण्यात येईल. भारताच्या या भागांवर नेपाळ आपला हक्क सांगत आहे. अलीकडेच नेपाळने आपल्या नकाशामध्ये भारताचे हे भाग समाविष्ट केले होते. त्यानंतर दोन्ही देशांमध्ये तणावाची परिस्थिती निर्माण झाली होती.
आता नेपाळ भारतातील हे भाग नेपाळच्या हद्दीत आणणारे एक विधेयक सादर करेल. उद्या संसदेत या विधेयकाला पाठिंबा देण्याचे नेपाळी कॉंग्रेसने म्हंटले आहे. या सुधारित विधेयकाच्या समर्थनार्थ मतदान करण्याचा निर्णय नेपाळी कॉंग्रेस कमिटीने आज घेतला आहे. पक्षाने आपल्या सदस्यांना या घटना दुरुस्ती विधेयकाच्या समर्थनार्थ मतदान करण्यास सांगितले आहे.
नवीन नकाशा संदर्भात नेपाळच्या घटनेत दुरुस्ती
या घटनादुरुस्तीद्वारे नेपाळ भारताच्या कालापाणी, लिंपियाधुरा आणि लिपुलेख या प्रांतांना घटनात्मकरित्या मान्यता देईल आणि नेपाळ त्यांवर आपला दावा करेल.
नेपाळशी असलेला भारताचा सीमा विवाद हा बर्‍याच काळापासून सुरू आहे. नेपाळ भारतातील कलापाणी, लिंपियाधुरा आणि लिपुलेख यावर आपला हक्क सांगितला आहे. नेपाळचा मुख्य विरोधी पक्ष असलेल्या नेपाळी कॉंग्रेसनेही पंतप्रधान के.पी. शर्मा ओली यांना या संदर्भात भारताशी राजनैतिक चर्चा करण्यास सांगितले आहे. मात्र यावेळी संसदेत या वादग्रस्त नकाशाला पाठिंबा देण्याची प्रक्रियाही सुरू झाली आहे.
नेपाळी कॉंग्रेसचे पक्षाचे सरचिटणीस यांच्या वतीने असे म्हटले आहे की,’ आम्ही या घटना दुरुस्तीच्या बाजूने आहोत. मात्र त्याचबरोबर राजनैतिक पातळीवरही भारताशी संवाद सुरुच ठेवावा.
नवीन नकाशाने भारत-नेपाळ संबंध खराब केले
भारताच्या वतीने असे म्हटले जात आहे की,’या संपूर्ण प्रकरणामुळे दोन्ही देशांमध्ये तणाव निर्माण झाला आहे. वाटाघाटीपूर्वीच नेपाळला भारताचा विश्वास जिंकणे आवश्यक आहे.
नेपाळच्या या नवीन नकाशामध्ये नेपाळने भारताच्या एकूण ३९५ चौरस किमी क्षेत्रफळ भूभागाला आपला म्हणून दर्शविले आहे. त्यांमध्ये लिंपियाधुरा, लिपुलेख आणि कलापाणी व्यतिरिक्त गुंजी, नाभी आणि काटी या गावांचा समावेश आहे.
नेपाळने आपल्या या नकाशामध्ये काळापाणीचे ६० चौरस किलोमीटरचे क्षेत्र स्वतःचे म्हणून घोषित केले आहे. त्याचप्रमाणे नेपाळने ३९५ चौरस किलोमीटर लिंपियाधूरावर आपला हक्क सांगितला आहे. नेपाळच्या मंत्रिमंडळाच्या बैठकीत या नकाशाला मान्यताही देण्यात आली आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.