हॅलो महाराष्ट्र ऑनलाइन | राज्याचे मुख्यमंत्री उद्धव ठाकरे यांच्याविषयी आक्षेपार्ह फेसबुक पोस्ट केल्याप्रकरणी भाजपच्या माजी नगरसेवकाला अटक करण्यात आली आहे. संदीप म्हात्रे असे सदर माजी नगरसेवकाचे नाव असून कोपरखैरणे पोलिसांनी त्याला बेड्या ठोकल्या आहेत
संदीप म्हात्रे यांनी फेसबुकवर मुख्यमंत्री उद्धव ठाकरे यांच्या विषयी आक्षेपार्ह पोस्ट टाकली होती. त्याबद्दल शिवसैनिकांनी पोलिसांकडे तक्रार दाखल केली होती. त्याआधारे गुरुवारी उशिरा संदीप म्हात्रे यांना अटक करण्यात आली आहे. संदीप म्हात्रे हे यापूर्वी देखील मारहाण प्रकरणात कायद्यात अडकले होते.
दरम्यान, कालच उद्धव ठाकरे यांच्या पत्नी रश्मी ठाकरे यांच्याबद्दल देखील भाजप कडून आक्षेपार्ह ट्विट करण्यात आले होते. याप्रकरणी भाजपच्या सोशल मीडियाचे काम पहाणाऱ्या पदाधिकारी जितेन गजरिया याना अटक करण्यात आली होती. जितेन गजरिया याने मुख्यमंत्री उद्धव ठाकरे यांच्या पत्नी रश्मी ठाकरे यांचा उल्लेख ‘मराठी राबडीदेवी’ असा केला होता. यामुळेच वाद निर्माण झाला होता
