कराड | मुलांचे भांडण सोडवण्यासाठी गेलेल्या एकाला जिवे मारण्याची धमकी देत भोसकले. जुने घारेवाडी (ता. कराड) येथील समाज मंदिराजवळील रस्त्यावर रविवार दि. ६ रोजी रात्री नऊ वाजण्याच्या सुमारास ही घटना घडली. अमर रघुनाथ पवार (रा.घारेवाडी, ता. कराड) हे चाकु हल्ल्यात गंभीर जखमी झाले आहेत. याप्रकरणी तेथीलच लक्ष्मण तुकाराम जाधव याच्यावर पोलिसात गुन्हा दाखल करण्यात आला आहे. संतोष दतु लोकरे (वय ४२, रा. येरवळे) यांनी याबाबत फिर्याद दिली आहे.
याबाबत पोलिसांनी दिलेली माहिती अशी की, रविवारी जुने घारेवाडी येथील समाज मंदिरासमोरील रस्त्यावर गावातील मुलांची भांडणे चालली होती. ती सोडवण्यासाठी अमर पवार हे तेथे गेला असता लक्ष्मण जाधव याने पवार यांना जिवे मारण्याची धमकी देत चाकुने त्यांना भोसकले.
यामध्ये अमर पवार हे जखमी झाले. याबाबतची माहिती पवार यांचे साडू संतोष लोकरे यांना मिळाली. ते तात्काळ घटनास्थळी पोहोचले असता अमर पवार हे गंभीर जखमी असलेले आढळून आले. लोकरे यांनी पवार यांना त्वरीत उपचारासाठी रुग्णालयात हलविले. या घटनेची नोंद कराड