हॅलो महाराष्ट्र ऑनलाइन | विधिमंडळाच्या दोन दिवसीय पावसाळी अधिवेशनाला आजपासून सुरुवात झाली. या अधिवेशनस्थळी शिवसेना आमदार प्रताप सरनाईक हे नुकतेच दाखल झाले. त्यांनी यावेळी भाजपवर आरोप केले. “विरोधी पक्षाने मला मुद्दाम टार्गेट केलं, विरोधकांनीच माझ्या मागे ईडीचा ससेमिरा लावला आहे,” असे म्हणत सरनाईक यांनी विरोधकांवर गंभीर आरोप केले आहे.
शिवसेना आमदार प्रताप सरनाईक यांनी आज अधिवेशनास उपस्थिती लावण्यासाठी विधीमन्डळीस्थळी दाखल झाले. यावेळी त्यांनी माध्यमांशी संवाद साधला. दरम्यान त्यांनी त्यांच्या गायब होण्याबाबत महत्वाची माहिती दिली तसेच विरोधकांवरही आरोप केले. आमदार सरनाईक यांनी म्हटले आहे की, “मी गेली अनेक दिवस गायब होतो त्याचे महत्वाचे कारण म्हणजे कौटुंबिक कलह हे आहे. मात्र, माझ्यामागे विरोधी पक्षाकडून मुद्दामहून टार्गेट करण्याचे काम केले गेले आहे.”
सरनाईक यांच्या आरोपानंतर विरोधी भाजपच्या अडचणीत वाढ होणार आहे. कारण त्यांनी थेट विरोधकांनीच माझ्यामागे ईडीचा ससेमिरा लावल्याचा आरोप केला आहे. त्यांच्या या आरोपांना विरोधक काय उत्तर देणार याकडे सर्वांचे लक्ष लागले आहे.
