नवी दिल्ली । कोरोना विषाणूच्या साथीने देशभरात मोठ्या संख्येने लोकांनी आपल्या घरातील व्यक्तींना गमावले. या कोरोनाच्या लाटेत अनेक मुलेही अनाथ झाली. काहींच्या कुटुंबातील सर्व सदस्यांचा कोरोनामुळे मृत्यू झाला आणि मुले अनाथ झाली, अशा अनेक बातम्या समोर आल्या. अशा अनाथ मुलांसाठी कर्मचारी पेन्शन योजना (EPS) अंतर्गत आर्थिक सहाय्य उपलब्ध होऊ शकते. मात्र, हा लाभ त्या अनाथ मुलांसाठीच उपलब्ध असेल, ज्यांचे पालक एकतर पगारदार होते किंवा EPS Member होते. कर्मचारी भविष्य निर्वाह निधी संघटना (EPFO) ने EPS योजनेंतर्गत अनाथ मुलांना मिळणाऱ्या फायद्यांविषयी (EPS Benefits) ट्विट केले आहे.
EPS अंतर्गत अनाथ मुलांना कोणते फायदे मिळत आहेत ?
अनाथ मुलांना मिळणारी पेन्शन ही मासिक विधवा पेन्शनच्या 750 टक्के असेल. ही रक्कम दरमहा किमान 750 रुपये असेल.
एका वेळी, प्रत्येक दोन अनाथ मुलांना दरमहा 750 रुपये पेन्शनची रक्कम मिळेल.
EPS योजनेंतर्गत अनाथ मुलांना वयाच्या 25 वर्षापर्यंत पेन्शन दिली जाईल.
मुलांना काही अपंगत्व आले असेल तर त्यांना आयुष्यभर पेन्शन दिली जाईल.
EPS साठी काही पेमेंट असेल का?
EPS साठी, कंपनी कर्मचार्‍यांच्या पगारातून एकही पैसा कापत नाही.
कंपनीच्या योगदानाचा काही भाग EPS मध्ये जमा केला जातो.
नवीन नियमानुसार 15,000 रुपयांपर्यंत बेसिक सॅलरी असलेल्यांना ही सुविधा मिळणार आहे.
नवीन नियमानुसार, पगाराच्या 8.33 टक्के रक्कम EPS मध्ये जमा केली जाते.
बेसिक सॅलरी 15,000 रुपये असताना, कंपनी EPS मध्ये 1,250 रुपये जमा करते.
पेन्शनसाठी लाईफ सर्टिफिकेट सादर करावे लागेल
कर्मचारी पेन्शन योजना-1995 (EPS-95) अंतर्गत पेन्शन धारकांना पेन्शन पेमेंटसाठी लाईफ सर्टिफिकेट सादर करणे बंधनकारक आहे. दरवर्षी पेन्शन धारकांना लाईफ सर्टिफिकेट किंवा जीवन प्रमाणपत्र सादर करणे बंधनकारक असते. त्यामुळे पेन्शन मिळण्यास कोणताही अडथळा येत नाही. आता व्हिडिओ कॉलद्वारे देखील लाईफ सर्टिफिकेट सादर करण्याची सुविधा सुरू करण्यात आली आहे.