अनोखा त्याग! करोना रुग्णांना वेळेत ऑक्सिजन मिळावा, वाटेत झोप येऊ नये म्हणून जेवण करत नाहीत ऑक्सिजन टँकरचे ड्राइव्हर

हॅलो महाराष्ट्र ऑनलाईन । असे म्हणतात की जर आपल्याला कठोर परिश्रम करावे लागत असतील तर पूर्ण पोट भरलेले असणे आवश्यक आहे. हे आपल्याला निरोगी ठेवते. परंतु हजारो करोना रुग्णांसाठी प्राणवायू आणण्यात गुंतलेल्या टँकर चालकांनी आता वाटेत आपले पोट भरणे बंद केले आहे. जामनगर ते इंदूर दरम्यान सुमारे 700 कि.मी.च्या प्रवासात 20 तासांहून अधिक चालक हे जेवतच नाहीत किंवा अर्ध्य पोटाच जेवण करीत आहे. जेणेकरून रुग्णांना वेळेवर ऑक्सिजन मिळेल.

आदित्य मिश्रा उत्तर प्रदेशातील गोरखपूर जवळील खेड्यात राहतात. अनेक वर्षांपासून मध्य प्रदेशातील एका कंपनीत काम करत आहेत. राज्यात ऑक्सिजन आणण्यात गुंतलेल्या भारतीय हवाई दलाच्या सी -17 विमानात आतापर्यंत जामनगरचा प्रवास त्यांनी खूप वेळा केला आहे. आदित्य म्हणतात की, तिथे पोहोचल्यानंतर ऑक्सिजन पोहचवण्यासाठी त्यांना खूप वेगवान काम करावे लागते. विमानतळाबाहेर निघून ताबडतोब रिफायनरीमध्ये जाऊन लाईनमध्ये उभे रहावे लागते. कंडक्टरला तिथे येण्याची परवानगी नाही म्हणून हे काम ते स्वत: करतात.

सर्व प्रथम गाडी भरून पूर्ण होताच ते इंदोरला जाण्यासाठी निघतात. जेवण केल्यानंतर झोप येण्याची शक्यता असते. म्हणूनच एखाद्या ढाब्यावर थांबून फक्त चहा आणि नाष्टा करतात. जेव्हा ते प्लांट येथे येतात तेव्हा कंपनीचे लोक आधीच जेवण मागून ठेवतात. इथेच त्यांना काही तासांची झोप मिळते. त्यानंतर अधिकाऱ्यांच्या आदेशावरून ते विमानाने किंवा रस्त्याने जामनगरला निघतात. या त्यागामुळे अनेक करोना रुग्णांचे प्राण वाचले आहेत.