हॅलो महाराष्ट्र ऑनलाईन । सलग दोन दिवसांची सुट्टी आल्याने अनेकजण या दोन दिवसांत कोणत्या तरी निसर्गरम्य ठिकाणांना भेट देण्याचा प्लॅन करत असतील तर त्यांच्यासाठी एक आनंदाची बातमी आहे. कारण सातारा जिल्ह्यातील असे ठिकाण आहे कि त्या ठिकाणी भरपूर एन्जॉय करता येईल. सातारा जिल्ह्यातील पाचगणी या ठिकाणी सध्या पर्यटक मोठ्या संख्येने भेटी देत आहेत.
16 व्या शतकापासून ते 18 व्या शतकापर्यंत पर्यटनासाठी अशी काही ठिकाणे सापडली जी उन्हाळ्याच्या दिवसांत राहण्यासाठी आणि भेट देण्याकरिता एक उत्तम ठिकाण म्हणून प्रसिद्ध झाली. मध्ययुगीन काळात, ब्रिटीश साम्राज्याने रिसॉर्ट म्हणून अशा ठिकाणांचा वापर केला. परंतु, स्वातंत्र्यानंतर अशी ठिकाणे भारतीय आणि परदेशी लोकांसाठी एक उत्कृष्ट आणि आश्‍चर्यकारक स्थान म्हणून उदयास आल्या. यातील एक सुंदर ठिकाण म्हणजे ‘पाचगणी हिल स्टेशन’.
पाचगणी हे महाबळेश्वरपासून जवळ 18-20 किमी अंतरावर असलेले आणखी एक थंड हवेचे ठिकाण आहे. या ठिकाणी सर्व सोयी-सुविधांनी परिपूर्ण असलेल्या निवासी शाळांमुळे हे ठिकाण प्रसिद्धीस आले आहे. पांचगणीला भेट म्हणजे एक सुखद अनुभवच आहे. जुन्या काळात येथे पारशी लोकांनी बांधलेले बंगले पर्यटकांचे लक्ष वेधून घेतात. उत्कृष्ट हवामान, निसर्ग हे पाचगणीचं खास वैशिष्ट्य आहे. खोल दऱ्या, धबधबे, कमलगड, टेबल लँड, किडीज पार्क, पाचगणीच्या गुहा ही काही प्रसिद्ध प्रेक्षणीय स्थळं इथे आहेत.
ऑन व्हीलझ मनोरंजन पार्क –
पाचगणीच्या मुख्य बाजारापासून अवघ्या काही अंतरावर महाबळेश्वरच्या पाचगणीच्या खोऱ्यात एक पूर्ण विकसित झालेला मनोरंजन पार्क आणि महाबळेश्वरमधील प्रसिद्ध पर्यटन स्थळ आहे. इथे सर्व वयोगटातील व्यक्तींसाठी सवारी, घरातील खेळ, झपाटलेली घरे, शुद्ध शाहाकारी रेस्टॉरंट्स आहेत. याठिकाणी व्यक्ती, जोडपी, मुले, विद्यार्थी गट, कंपनी सहली इत्यादी सर्व अभ्यागतांची पूर्तता केली जाते. पाचगणीतील सुट्टीच्या वेळी संपूर्ण कुटुंबास ऑन व्हीलझ चिल्ड्रन अ‍ॅम्यूझमेंट पार्कमध्ये घेऊन जावा. हे एकदिवसीय प्रवेशाचे तिकीट आपल्याला पार्कमध्ये देऊ केलेल्या अनेक सवारी आणि थरारांमध्ये प्रवेश देते.
हे हिल स्टेशन मुंबईपासून थोड्या अंतरावर आहे. येथील नयनरम्य दृश्‍ये आणि सुंदर सरोवर फिरल्यानंतर तुम्ही नक्कीच हिमाचल प्रदेश किंवा उत्तराखंड विसरू शकाल. सह्याद्री पर्वताच्या पाच डोंगरांमुळे समुद्रसपाटीपासून 1300 मीटरपेक्षा जास्त उंची असलेले हे हिल स्टेशन पर्यटकांचे खास बनले आहे.
कसे जाल?
सातारा जिल्ह्यातील पाचगणी या थंड हवेच्या ठिकाणाला भेट देण्यासाठी जायचे आले तर विमान, ट्रेन आणि बस किंवा खासगी वाहनांनी जात येते. त्याचे अंतरही असे आहे.
रत्नागिरी 239 किमी (5 तास 2 मिनिटे)
मुंबई 244 किमी (4 तास 26 मिनिटे)
पुणे 102 किमी (2 तास 18 मिनिटे)
कोल्हापूर 169 किमी ( 2 तास मिनिटे)
सातारा 58.2 किमी (1 तास 32 मिनिटे)
औरंगाबाद 337 किमी (6 तास 52 मिनिटे)
नाशिक 318 किमी (6 तास 23 मिनिटे)