औरंगाबाद | एकात्मिक आदिवासी विकास प्रकल्प कार्यालयातील एका कनिष्ठ लिपिकाला लाच घेताना पकडले आहे. सोयगाव तालुक्यातील बोरमाळ तांडा येथे हा प्रकार घडला. आदिवासी वस्तीसाठी मंजूर झालेल्या मंगल कार्यालयाच्या बांधकामचा धनादेश देण्यासाठी 10 हजार रुपयांची लाच घेताना या लिपिकाला लाचलुचपत प्रतिबंधक विभागाच्या अधिकाऱ्यांनी सोमवारी रात्री रंगेहात पकडले. याबाबत जवाहरनगर पोलिस ठाण्यात गुन्हा दाखल करण्यात आला आहे. शैलेंद्र कृष्णराव भोपे वय 48 वर्षे असे या आरोपीचे नाव आहे. गजानन नगर येथे तो राहत होता.

हाती आलेल्या माहितीनुसार, सोयगाव तालुक्यातील बोरमाळ तांडा याठिकाणी आदिवासी वस्ती आहे. या वस्तीसाठी मंजूर मंगल कार्यालयाच्या बांधकामाचा उर्वरित तीन लाखाचा धनादेश मिळावा यासाठी तक्रारदार भोपे यांना भेटण्यासाठी गेले असता, त्यांनी 15 हजार रुपये लाच मागितली. यानंतर तक्रारदाराने लाचलुचपत प्रतिबंधक विभागाकडे तक्रार नोंदवून एसीबीच्या अधिकाऱ्यांनी तक्रारीसोबत सोमवारी सायंकाळी त्यांच्यासोबत दोन पंच पाठवले. आणि झालेल्या लाचेच्या मागणीची तपासणी केली. यानंतर भोपे यांनी तडजोड करत 15 हजारांवरून 10 हजार रुपयांपर्यंत लाच घेण्याची तयारी दर्शवली.

रात्री सात वाजेच्या सुमारास लाचेची रक्कम घेऊन उल्कानगरी येथील चेतक घोडा चौकात येण्यासाठी सांगितले. यानंतर पोलिसांनी सापळा रचून त्यांना रंगेहाथ पकडले. ही कारवाई पोलिस निरीक्षक हेमंत द्वारे, संदीप राजपूत, हवालदार बाळासाहेब राठोड, केवलसिंग घुसिंगे, चांगदेव बागुल यांनी केली.

औरंगाबाद : भाजपचे विधानपरिषद खासदार डॉ. भागवत कराड यांचीकेंद्रीय मंत्रिमंडळात वर्णी लागणार आहे. केंद्रीय मंत्रिमंडळ विस्तारल्या जाणार अशी चर्चा सुरु आहे. जेष्ठ नेते नारायण राणे व त्याच बरोबर आता डॉ. कराड यांचेही नाव देखील या चर्चेत आहे.

याआधी देखील महाराष्ट्रातून राज्यसभेसाठी डॉ. कराड यांची वर्णी लागली होती. महाराष्ट्रातील ओबीसी आणि मराठा समाजच्या आरक्षणाचा प्रश्न जोर धरत आहे. त्यात राज्यात महाविकास आघाडीचे सरकार असल्याने त्यांची कोंडी करण्यासाठी या दोन नावांचा समावेश मंत्रिमंडळात करण्याचा भाजपचा प्रयत्न आहे ? का असा प्रश्न निर्माण होत आहे. डॉ. कराड हे ओबीसीचा मोठा चेहरा आहे व तसेच गोपीनाथ मुंडे यांचे कार्यकर्ते देखील आहेत. त्यांना मंत्रिमंडळात स्थान मिळाले तर ओबीसी समाजाला संतोष मिळेल त्यामुळे त्यांचे नाव आघाडीवर असल्याचे बोलले जाते.

केंद्रीय मंत्रिमंळडात जालन्याचे खासदार रावसाहेब दानवे यांचा समावेश आहे. मात्र, ज्येष्ठ नेते गोपीनाथ मुंडे यांच्या मृत्यूनंतर मराठवाड्याचे केंद्रातील स्थान कमी झाले आहे. त्यात डॉ. कराड यांची मंत्रिमंडळात वर्णी लागली तर मराठवाड्याला पुन्हा एकदा ओबीसी नेतृत्त्व मिळेल. सध्यातरी कराड यांचे नाव आघाडीवर असल्याची चर्चा आहे.