विमानतळा सारख्या मोठ्या ठिकाणी जर तुम्ही गेलात तर तुम्ही तिथे खाणं पिणे लोक शक्यतो टाळत असल्याचे पाहत असाल. कारण कोणत्याही पदार्थाचा दर हा अव्वाच्या सव्वा आकारला जातो. त्यामुळेच प्रवासी तेथील खाणपिण टाळतात. मात्र आता पुणे विमानतळाच्या नव्या टर्मिनल वर याबाबत मोठा निर्णय घेण्यात आला असून या निर्णयामुळे प्रवाशांना दिलासा मिळणार आहे. पुणे विमातळाच्या नव्या टर्मिनल वर चहा आणि पाणी स्वस्त मिळणार आहे.

लोहगाव विमानतळाच्या नव्या टर्मिनल मधील खाद्यपदार्थांच्या स्टॉलवर चहा सुमारे १०० रुपयांना तर पाण्याची बाटली ६०/८० रुपयांना विकत घ्यावी लागते अशातच पुणे विमानतळ नव्या टर्मिनल वरून प्रवास करणाऱ्यांसाठी ही बातमी दिलासा देणारी आहे.

विमानतळावर विकल्या जाणाऱ्या चहा,कॉफीचे दर हे सामान्य नागरिकांना परवडणारे नसतात. त्यामुळे काही प्रवाशांनी कमी किमतीत चहा आणि कॉफी उपलब्ध करण्याची मागणी केली होती. ही मागणी आता पूर्ण होत आहे त्यानुसार आता चहा आणि पाणी वीस रुपयात मिळणार आहे. प्रशासन नवीन टर्मिनल वर एक छोटासा स्टॉल सुरू करणार आहे त्यामुळे आता सरकारने अनुदान देत सामान्य प्रवाशांसाठी ‘उडान’ योजना सुरू केली आहे. या स्टॉलवर कमी दरात चहा आणि पाणी उपलब्ध होणार आहे.

विमानतळावर चहा कॉफीचे दर हे सामान्य नागरिकांच्या खिशाला न परवडणारे आहेत. त्यामुळे सरकारने अनुदान देत सामान्य प्रवाशांसाठी उडान योजना सुरू केली असून या योजनेच्या अंतर्गत काही प्रवाशांना कमीत कमी दरात चहा कॉफी उपलब्ध होणार आहे. उडान अंतर्गत आता चहा पाणी 20 रुपयात विमानतळ प्रशासन नवीन टर्मिनल वर एक छोटासा स्टॉलवर सुरू करून सुविधा देणार आहे.

लोहगाव विमानतळ अशीच आजपर्यंत ओळख असलेल्या पुणे आंतरराष्ट्रीय विमानतळाची ओळख आता जगद्गुरु संत तुकाराम महाराज आंतरराष्ट्रीय विमानतळ अशी होणार आहे. नामकरणाच्या प्रस्तावाला राज्य मंत्रिमंडळाने सोमवार दिनांक २३ सप्टेंबर रोजी झालेल्या बैठकीमध्ये मान्यता दिली आहे. केंद्रीय सहकार तसेच नागरी विमान उड्डाण राज्यमंत्री मुरलीधर मोहोळ यांनी हा दिलेला प्रस्ताव त्वरित मंजूर करण्याचे आश्वासन उपमुख्यमंत्री देवेंद्र फडणवीस यांनी शनिवारी पुण्यात झालेल्या कार्यक्रमात दिली होती.त्यानंतर अगदी एका दिवसातच राज्याकडून या नामकरणाचा प्रस्तावाला मंजुरी मिळाली आहे.

याबाबत एका माध्यमाला माहिती देताना मोहोळ यांनी सांगितलं की, आंतरराष्ट्रीय विमानतळाला हे नाव देण्याचं भाग्य मिळाले हे मोठी आनंदाची आणि समाधानाची गोष्ट आहे. लोहगाव हे संत तुकाराम महाराजांचं आजोळ होतं. त्यांच्या प्रत्येक कीर्तनात लोहगाव मधील चार टाळकरी असायचे. त्यामुळे विमानतळाचे असं नामकरण करण्यामागं औचित्य ही आहे. या विमानतळाला यातून एक वेगळी ओळख मिळणार आहे. असे मोहोळ म्हणाले.

पुढे बोलताना ते म्हणाले, ” हा प्रस्ताव मुंबईत जाऊन मुख्यमंत्री एकनाथ शिंदे, उपमुख्यमंत्री देवेंद्र फडणवीस व अजित पवार यांच्याकडे प्रत्यक्ष भेट देऊन दिला त्यांनी याला लगेच संमती दिली. त्याचप्रमाणे राज्य मंत्रिमंडळाच्या बैठकीत प्रस्तावाला आज मंजूरी मिळाली. आता हा प्रस्ताव अंतिम मान्यतेसाठी केंद्र सरकारकडे जाईल. तिथेही मंजुरी मिळून लगेचच विमानतळाचे नामकरण जगद्गुरु संत तुकाराम महाराज आंतरराष्ट्रीय विमानतळ असं प्रचलित होईल अशी माहिती मोहोळ यांनी दिली.