हॅलो महाराष्ट्र ऑनलाईन । गणेशोत्सव हा आपल्या देशातील सर्वात लोकप्रिय सण मानला जातो. या काळात आपण आपल्या घरी गणरायाची मूर्ती आणतो, ढोल ताशांच्या गजरात गणेशाचे स्वागत केलं जाते. आणि ११ दिवस त्याची मनोभावे पूजा अर्चना केली जाते. अतिशय भक्तिभावाने गणेशोत्सव साजरा केला जातो. मात्र गणेशाची पूजा कशी करावी? कोणते मात्र त्यावेळी म्हणावे हे तुम्हला माहित आहे का? नसेल तर आज आम्ही तुम्हाला याबाबत सविस्तर सांगतो.

यंदा गणेश स्थापनेची योग्य वेळ कोणती? Ganesh Chaturthi 2024

गणेश स्थापनेची योग्य वेळ कोणते हे जाणून घेणं सर्वात महत्वाचे आहे. तर आम्ही तुम्हाला सांगतो कि, ७ सप्टेंबर रोजी दुपारपासून बाप्पाची मूर्ती घरोघरी आणू शकता. त्याचा शुभ योग सकाळी 11:03 पासून सुरू होईल आणि दुपारी 01:34 पर्यंत राहील. याचा अर्थ 2024 मध्ये गणपतीची मूर्ती स्थापनेसाठी अडीच तास (150 मिनिटे) शुभ मुहूर्त आहे. त्याकाळात तुम्ही गणरायाला घरी आणून त्याची स्थापना करू शकता.

गणपतीची पूजा कशी करावी?

गणपती बाप्पाची पूजा करण्यासाठी सकाळी उठून स्नान करावे. स्थापनेच्या वेळेनुसार बाप्पाच्या मूर्तीची प्रतिष्ठापना करा. यानंतर पूजा सुरू करावी. गणरायाला पिवळे कपडे परिधान करा, त्याला सिंदूर आणि चंदनाचा तिलक लावा तसेच यानंतर गणेशाच्या चरणी फुले ठेवावीत. गणपतीला दररोज दुर्वा वाहाव्या. गणपती बाप्पाच्या मूर्तीसमोर बसून गणेश चालिसा आणि त्याचे वैदिक मंत्र म्हणा. यानंतर गणरायाची आरती म्हणून आणि नैवेद्य म्हणून गणपती बाप्पाला मोदक प्रसाद म्हणून द्यावा.

गणपतीचा आवडता नैवेद्य कोणता?

गणरायाला तांदूळ आणि गव्हाच्या पिठाचे लाडू आणि मोदक, गूळ आणि खोबरे यांनी भरलेले गोड पकोडे खूप आवडतात. तसेच त्याला मोदक सुद्धा आवडतात. त्यामुळे गणेशोत्वसाच्या काळात गणपती बाप्पाला २१ मोदक खाऊ घाला. तसेच तुमचा प्रसाद हा शक्यतो गोड़ पदार्थ असावा.

हॅलो महाराष्ट्र ऑनलाईन | गणेशोत्सवाची (Ganesh Chaturthi 2024) धामधूम आता ऐन रंगात आली आहे. लंबोदर गणेश सिद्धीबुद्धीचा दाता, गणांचा स्वामी म्हणून गणपती आहे. हत्तीचे मस्तक आणि उंदीर हे वाहन असलेला गणेश बुद्धीमान समजला जातो. आपल्याकडे कोणत्याही शुभकार्यापूर्वी अथवा कोणत्याही देवाची पूजा करण्यापूर्वी सर्वप्रथम गणेशपूजा (Ganesh Puja) केली जाते. आरती म्हणताना सुद्धा आधी गणपतीची म्हंटली जाते आणि मग बाकी देवांची आरती म्हंटली जाते. त्यामागे कांही कारणे सांगितली जातात व त्यासंदर्भात काही कथाही आहेत. चला जाणून घेऊयात.

असे म्हणतात, की पार्वतीमाता स्नान करत असताना पहार्‍यावर तिने गणेशाला बसविले होते. शंकर महादेव आल्यानंतरही गणेशाने त्यांना आत सोडले नाही तेव्हा रागावून त्यांनी त्याचे शिर धडावेगळे केले. मुलाची ही स्थिती पाहून पार्वती भयंकर संतापली तेव्हा तिला शांत करण्यासाठी शंकरांनी हत्तीचे डोके तोडून ते गणेशाला लावले. तरीही पार्वतीचा राग गेला नाही. तेव्हा शंकराने तिची समजूत काढताना पार्वतीला तुझ्या मुलाला कुणीही कुरूप म्हणणार नाहीत आणि सर्वप्रथम त्याचीच पूजा केली जाईल असा वर दिला.

दुसर्‍या कथेनुसार, सर्व देवतांमध्ये अग्रपूजेचा मान कोणाला द्यायचा यावर वाद सुरू झाला. सर्व देव विष्णुंकडे गेले तेव्हा विष्णु त्यांना घेऊन महादेवांकडे गेले. तेव्हा अशी तोड निघाली की सर्व देवतांनी विश्व परिक्रमेला जावे व ज्याची प्रदक्षिणा सर्वप्रथम पूर्ण होईल त्याला अग्रपूजेचा मान दिला जाईल. सर्व देवता आपापल्या वाहनांवर बसून निघाल्या तेव्हा गणेशाने बुद्धीचातुर्याने पार्वती व शंकर यांनाच प्रदक्षिणा घातली. माता म्हणजे पृथ्वी व पिता म्हणजे आकाश.त्यामुळे मातापित्यांना घातलेली प्रदक्षिणा म्हणजेच विश्व परिक्रमा. अशा तर्हेने ही स्पर्धा गणेशाने जिंकली व त्यामुळे त्याला अग्रपूजेचा मान मिळाला असं म्हंटल जाते.