High Salt Level | मीठ हे जेवणामध्ये खूप महत्त्वाचे असते. मिठामुळेच अन्नाला चव येते. परंतु कधी कधी हेच मीठ जीवघेणे देखील ठरते. तुमच्या शरीरात जर मिठाचे प्रमाण वाढले, तर त्यामुळे तुमच्या शरीराला धोका निर्माण होऊ शकतो. तुम्ही जर प्रमाणापेक्षा जास्त मीठ खाल्ले, (High Salt Level) तर तुम्हाला उच्च रक्तदाब, सूज येणे, अशक्तपणा येणे यांसारखे अनेक आजार उद्भवतात. त्यामुळे तुम्हाला जर अशी लक्षणे तुमच्या शरीरात दिसत असेल, तर त्याकडे अजिबात दुर्लक्ष करू नका. कारण ही गंभीर रोगांची लक्षणे आहेत. आता ती कोणती लक्षणे आहेत हे आपण जाणून घेऊया
उच्च रक्तदाब | High Salt Level
तुमच्या शरीरातील मिठाचे प्रमाण जर वाढले, तर त्याचा थेट परिणाम तुमच्या रक्तदाबावर होत असतो. जास्त मीठ खाल्ले, तर तुमचा रक्तदाब वाढतो. त्यामुळे तुम्हाला हृदयाच्या आजार देखील होऊ शकतात. यामध्ये डोकेदुखी, चक्कर येणे, हृदयाचे ठोके अत्यंत जलद होणे यांसारखी लक्षणे दिसतात. जर तुम्हाला देखील ही लक्षणे जाणवत असेल. तर त्यावर नियंत्रण करणे खूप गरजेचे आहे अशावेळी तुम्ही लवकरात लवकर डॉक्टरांशी संपर्क साधा.
शरीराला सूज येणे
तुम्ही जर गरजेपेक्षा जास्त मीठ खाल्ले, तर तुमच्या शरीरात पाणी साचू शकते. यामुळे तुमचे हात, पाय, चेहरा आणि पोटात देखील सूज येऊ शकते. सूज येणे म्हणजे तुमच्या शरीरातील मिठाचे प्रमाण वाढले आहे असे लक्षण आहे. त्यामुळे असे लक्षण जर दिसत असेल, तर तुम्ही त्यावर वेळीच उपचार घ्या.
सारखी तहान लागते
तुमच्या शरीरात जर मिठाची पातळी जास्त झाली असेल, तर तुम्हाला सारखी तहान लागते. अतिरिक्त मीठ काढण्याचा शरीराचा हा एक मार्ग आहे. शरीर तुम्हाला तुमच्या बॉडीतील अतिरिक्त नीट काढून टाकण्याचा एक संकेत देत असते. त्यामुळे तुम्हाला सारखी तहान लागते.
थकवा अशक्तपणा
तुमच्या शरीरात जर जास्त मीठ झाले असेल, तर तुम्हाला अशक्तपणा देखील येतो. आणि थकवा देखील येतो. त्यामुळे तुमच्या शरीरातील संपूर्ण संतुलन बिघडते. तुम्हाला जर काहीही काम न करता असा अशक्तपणा आणि थकवा जाणवत असेल, तर तुम्ही त्याकडे अजिबात दुर्लक्ष करू नका. आणि लवकरात लवकर डॉक्टरांशी संपर्क साधा.
अशावेळी काय करावे ? | High Salt Level
तुम्हाला जर वरील सगळी लक्षणे दिसत असेल, तर तुमच्या जेवणात मिठाचे प्रमाण वाढले आहे. अशावेळी तुम्ही अगदी योग्य प्रमाणात तुमच्या जेवणामध्ये मीठ वापरा. तसेच जास्तीत जास्त भाज्या आणि ताजी फळे खाण्यावर भार द्या. कारण या नैसर्गिक घटकांमध्ये नैसर्गिक मीठ असते. त्यामुळे तुमच्या शरीराला कोणताही धोका निर्माण होत नाही. जास्तीत जास्त पाणी प्या जास्तीत जास्त पाणी पिल्याने तुमच्या शरीरात असलेले अतिरिक्त मीठ हे निघून जाते आणि तुमच्या आरोग्य देखील चांगले राहते.
