अमरावती प्रतिनिधी । आशिष गवई

अमरावती जिल्ह्यातील अचलपूर तालूक्यातील ४२ वर्ष वयोगटातील एका व्यक्तीचा कोरोना अहवाल पॉझिटिव्ह आलेला आहे. सदर व्यक्ती परसापूर या गावातील रहिवासी असून शनिवारी त्याचा नागपूर येथील रुग्णालयात मृत्यू झालेला होता. आज त्या व्यक्तीचा कोरोना अहवाल पॉझिटिव्ह आल्याने त्याला कोरोनाची लागण झाली असल्याचे स्पष्ट झाले आहे. अशी माहिती अमरावती जिल्हा शल्यचिकित्सक यांनी दिली आहे.

हाती आलेल्या माहितीनुसार, सदर इसम हा पोटाच्या कॅन्सरने आधिच ग्रस्त होता. त्यासाठी च्या चाचण्याही सदर इसमाने केलेल्या होत्या. त्याला पूढील उपचारासाठी नागपुरच्या रुग्णालयात दाखल करण्यात आले होते. तसेच सदर व्यक्तीचे घश्यातील स्त्रावाचे नमुने तपासणी साठी पाठवण्यात आले होते. मात्र उपचारादरम्यान त्याचा मृत्यू झाला होता. आज त्या व्यक्तीचा कोरोना अहवाल प्राप्त झाला असून तो व्यक्ती कोरोना बाधित असल्याचे समोर आले आहे.

अमरावती जिल्ह्यातील अचलपूर तालुक्यातील कोरोनाचा हा पहिलाच रुग्ण असून यामुळे आता अचलपूर येथील नागरिकांत भीतीचे वातावरण पसरले आहे. आता ज्या परीसरात सदर व्यक्ती राहत होती तो परिसर प्रशासनाने सील केला असून परीवारातील सदस्य व शेजारील संपर्कात येणार्‍यांचा प्रशासनाकडन शोध घेतला जात आहे. अतिसंपर्कात आलेल्या निकटवर्तीयांचे घश्याचे नमूने घेण्याचे काम ऊपविभागीय अधिकारी संदीप अपार ,तहसीलदार मदन जाधव यांच्या नेत्रुत्वात आरोग्य अधीकारी कर्मचारी करत आहेत.

दरम्यान, अचलपूर प्रशासनातर्फे परसापूर गाव सील करण्यात आलेलं आहे. संबंधीत व्यक्ती अमरावती येथील ज्या २ रुग्णालयात ऊपचार घेत होते तेथील संपर्कात आलेल्यांना सुद्धा शोधण्याचे काम प्रशासन करत आहे. मात्र अचलपूर तालूक्यात कोरोनाचा व्यक्ती मृत पावल्याने आता प्रशासनासह अचलपूर तालूक्यासाठी ही अतीशय चींतेची बाब आहे.

परसापूर येथील व्यक्ती ही पोटाच्या आजाराने ग्रस्त होती. अमरावती मधील खाजगी रुग्णालयामधे सुद्धा त्यांनी ऊपचार घेतले आहेत. तेथील संपर्कातील व्यंक्तींचा सुद्धा शोध घेन्यात येईल. तर परसापूर येथिल त्यांचे घर परीसर सील करण्यात आलेला आहे. लवकरच संपर्कातील व्यक्तिंना विलीगीकरण कक्षात पाठवीन्या येणार आहे. अशी माहिती संदीपकुमार अपार, उपवीभागीय अधीकारी, अचलपूर यांनी दिली आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.