मुंबई । हरहुन्नरी आणि अष्टपैलू अभिनेता इरफान खान याचे निधनाच्या धक्क्यात असणाऱ्या सिनेप्रेमींना आज दुसरा जबर धक्का बसला आहे. सदाबहार अभिनेते ऋषी कपूर यांचे कर्करोगाने आज मुंबईत निधन झाले. गेल्या अनेक दिवसांपासून ते कर्करोगाशी झुंज देत होते. ऋषी कपूर यांची प्रकृती अचानक खालावल्याने त्यांना मुंबईतील सर एच. एन. रिलायन्स फाऊंडेशनच्या रुग्णालयात दाखल करण्यात आले होते. मात्र, आज त्यांची प्राणज्योत मालवली. कालच अभिनेता इरफान खानचे निधन झाले होते. त्याच्या दुसऱ्याच दिवशी ऋषी कपूर यांच्या निधनाने बॉलिवूडवर शोककळा पसरली आहे. ऋषी कपूर यांनी जगातून निरोप घेतल्यानंतर त्यांच्या चित्रपट सृष्टीतील लांब करिअरचा आढावा घेताना एक कमालीची बाब समोर आली आहे. अनेकांना ऋषी कपूर यांची चित्रपट कारकीर्द ‘बॉबी’ किंवा त्याही आधी ‘मेरा नाम जोकर’ मधल्या भूमिकेतून सुरु झाल्याचं माहित आहे. मात्र, आपल्या सर्वांची ही माहिती अपुरी आहे.

ऋषी कपूर यांचा पहिला चित्रपट ‘बॉबी’ नाही तर राज कपूर यांचा श्री ४२० होता याची माहिती अनेकांना नाही. खुद्द ऋषी कपूर यांनीच या गोष्टीचा एका मुलाखतीदरम्यान खुलासा केला होता. अभिनेत्री नरगिस यांनी श्री ४२० चित्रपटातील एका पात्रासाठी कशी त्यांची मनधारणी केली होती याबाबत त्यांनी सांगितलं होतं. ऋषी कपूर हे श्री ४२० या चित्रपटाती ‘प्यार हुआ इकरार हुआ’ हे या गाण्यातून पहिल्यांदा मोठ्या पडद्यावर झळकले होते. या गाण्यात राज कपूर आणि नरगिस यांच्या मागे पावसात चालणाऱ्या ३ मुलांपैकी ते एक होते. गमतीचा भाग म्हणजे त्यावेळी लहानग्या ऋषी कपूर यांना चॉकलेट असं प्रॉमिस करत नरगिस यांनी त्यांना या गाण्यात सहभागी करून घेतली होतं.

याबाबत ऋषी कपूर यांनी मुलाखतीदरम्यान बोलताना सांगितलं होतं. “श्री ४२० या चित्रपटात मला एक शॉट द्यायचा आहे असं सांगण्यात आलं होतं. तसंच या गाण्यात माझे मोठे भाऊ आणि बहिणही होते. जेव्हाही तो शॉट असेल तेव्हा आम्हाला पावसात चालायचं होतं. पण माझ्या अंगावर जेव्हाही पाणी पडायचं तेव्हा मी जोरात रडायला लागायचो. यामुळे शूटींग पूर्ण होत नव्हतं. अखेरच्या शॉटपर्यंत तू तुझे डोळे उघडे ठेवले आणि रडला नाहीस तर मी तुला चॉकलेट देईन असं नरगिस मला म्हणाल्या होत्या. त्यानंतर केवळ चॉकलेटसाठी मी माझे डोळे उघडे ठेवले आणि तो माझा पहिला शॉट होता,” असं ऋषी कपूर यांनी सांगितलं होतं.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”

मुंबई । बॉलिवूडचे दिग्गज अभिनेते ऋषी कपूर यांचं प्रदीर्घ आजाराने निधन झालं. भारतीय चित्रपटाला रोमँटिक चेहरा देणारा अभिनेता म्हणून ऋषी कपूर यांना ओळखलं जातं. ऋषी कपूर यांची प्रकृती अचानक खालावल्याने त्यांना मुंबईतील सर एच. एन. रिलायन्स फाऊंडेशनच्या रुग्णालयात दाखल करण्यात आले होते. ऋषी कपूर यांना बरं वाटत नव्हतं. त्यांना त्रास जाणवत होता. त्यामुळे बुधवारी सकाळी त्यांना रुग्णालयात दाखल केले, अशी माहिती ऋषी कपूर यांचे बंधू रणधीर कपूर यांनी दिली होती. ऋषी कपूर हे सोशल नेटवर्किंगवर खूप अ‍ॅक्टीव्ह् होते. ते ट्विटवरुन नेहमीच वेगवेगळ्या क्षेत्रातील घडामोडींसंदर्भात व्यक्त होत असत. काही दिवसांपूर्वीच त्यांनी करोनाच्या पार्श्वभूमीवर करोनायुद्ध्यांसाठी एक ट्विट केलं होतं.

कोरोनाविरुद्धची लढाई आपल्याला एकत्र जिंकायची आहे, असं कपूर यांनी आपल्या ट्विटमध्ये म्हटलं होतं. “वेगवेळी विचारसरणी आणि सामाजिक स्तरातील सर्व बंधू-भगिनींना मी आवाहन करतो की हिंसा करु नका, दगडफेक किंवा मारहाणीसारख्या घटना होणार नाहीत याची काळजी घ्या. तुमचा जीव वाचवण्यासाठी डॉक्टर्स, नर्स, मेडिकल, पोलीस हे त्यांचा जीव धोक्यात घालत आहेत. आपल्याला ही करोनाविरुद्धची लढाई एकत्र जिंकायची आहे. जय हिंद,” असं ऋषी कपूर यांनी आपल्या ट्विटमध्ये म्हटलं होतं.

An appeal ???? to all brothers and sisters from all social status and faiths. Please don’t resort to violence,stone throwing or lynching. Doctors,Nurses,Medics, Policemen etc..are endangering their lives to save you. We have to win this Coronavirus war together. Please. Jai Hind!????????

— Rishi Kapoor (@chintskap) April 2, 2020

देशामध्ये करोनासंदर्भात चिंता वाढू लागल्यापासून ऋषी कपूर यांनी अनेकदा ट्विट करुन त्यासंदर्भात आपले मत मांडले होते. अगदी देशात आणीबाणी लागू करण्यापासून ते कनिका कपूरप्रकरणापर्यंत त्यांनी ट्विटवरुन आपल्या भावना व्यक्त केल्या होत्या. कर्करोगाशी यशस्वी झुंज देऊन ऋषी कपूर भारतात परतले होते. ११ महिने ११ दिवस न्यूयॉर्कमध्ये उपचार घेऊन ते भारतात परतले होते. परदेशी उपचार सुरू असताना त्यांनी अनेकदा मायदेशी येण्याची तीव्र इच्छा व्यक्त केली होती. पुन्हा रुपेरी पडद्यावर झळकण्याची त्यांची खूप इच्छा होती. मला पुन्हा काम मिळेल ना, अशी चिंता ते मुलांकडे व पत्नीकडे व्यक्त करायचे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”