पुणे | सुनिल शेवर

सुरक्षेसाठी तैनात करण्यात आलेल्या पोलीसांच्या अंगावर गणेशमंडळाचे कार्यकर्ते धावून गेल्याचा प्रकार पुण्यातील गुलटेकडी येथे घडला. यावेळी पोलीस कर्मचार्याला धक्काबुक्की करुन जीवे मारण्याची धमकी देण्यात आल्याने तणाव निर्माण झाला.

हाती आलेल्या माहितीनुसार, गणेशोत्सवामुळे शहरात सुरक्षेच्या कारणास्तव कडक पोलीस बंदोबस्त ठेवण्यात आला आहे. यावेळी गणेशोत्सव मंडळ तपासणीचे कार्य गणेश उत्सवात करणे साहजिकच आहे. त्यानुसार पोलीस महानगरपालिका व्हेइकल डेपो, गुलटेकड़ी पुणे ३७ येथील गणेश मंडळाच्या इथे गेले असता त्यांच्या अंगावर बबलू पितले ( वय ३२) कात्रज, परशुराम बसप्पा होसमनी ( वय ३९ ) गुलटेकड़ी, राहुल रेवनअप्पा ढोणे ( वय १८) गुलटेकड़ी धाऊन गेले.

तिनही आरोपींना स्वारगेट पोलिसांनी अटक केली असून पोलिस शिपाई डी. डी. रणसिंह यांनी फिर्याद दिली. बीट मार्शल ड्यूटी करताना पोलिसांना धक्काबुक्की, जीवे मारण्याची धमकी दिल्याची माहिती समोर आली आहे. पोलीस उपनिरिक्षक आर. आय. उसगावकर तपास करीत आहेत.

पुणे प्रतिनिधी | सुनिल शेवरे

यंदा च्या गणपती उत्सवासाठी पुण्याच्या सुप्रसिद्ध दगडूशेट हलवाई गणपती ट्रस्ट च्या वतीने नुकतेच ‘भो गणेशा सूरश्रेष्ठ’ ही स्तुती पालकमंत्री गिरीश बापट आणि पुण्याचे पोलीस आयुक्त डॉ. के. व्यंकटेशम यांच्या हस्ते प्रसारित करण्यात आली. ही स्तुती गाण्याचा मान कोलकत्त्याच्या युवा गायक प्रियांको सूर याला मिळाला. स्वारगेट येथील गणेश कला क्रीडा येथे झालेल्या कार्यक्रमात दगडूशेट हलवाई गणपती ट्रस्ट चे अध्यक्ष अशोकराव गोडसे, उपाध्यक्ष सुनील रासने, खजिनदार महेश सूर्यवंशी, सुवर्णयुग तरुण मंडळाचे अध्यक्ष प्रकाश चव्हाण आणि कार्याध्यक्ष यतिश रासने उपस्थित होते. गायक प्रियांको सूर याचे गुरु आणि सूर्य स्तोत्राचे अभ्यासक संगीतकार विश्वनारायणजी यांनी ही स्तुती संगीतबद्ध केली आहे. त्यांच्या मते श्री गणेशा ची ही स्तुती सर्व कल्याणात्मक आणि मंगलात्मक अशी सर्वात शुभ मानली जाणारी असून ती नारद मुनीं रचित आहे व नारद पंचतंत्रा मध्ये याचा उल्लेख असल्याचे सूर याने या वेळी सांगितले.

जळगाव प्रतिनिधी | सुरेंद्र पाटील

जळगाव महानगरपालिकेच्या महापौर पदी सीमा भोळे व उपमहापौर पदी अश्विन सोनावणे यांची निवड झाली आहे. यंदा महापौरपद हे ओबीसी महिला राखीव असल्याने भोळे यांना संधी मिळाली आहे.
महापौर पदी निवड झालेल्या सीमा भोळे या जळगाव शहरांचे विद्यमान आमदार सुरेश भोळे यांच्या पत्नी आहेत. नुकत्याच पार पडलेल्या निवडणुकांनंतर ही नेमणूक करण्यात आली आहे. अखेर जलसंपदामंत्री गिरीश महाजन यांनी आमदार भोळे यांच्या पत्नीला संधी दिली. भाजपाने सत्ता मिळविल्यापासून महापौरपदी कुणाला संधी मिळते याकडे शहरवासीयांचे लक्ष लागून होते.

पुणे |सुनिल शेवरे

सिने-संगीता च्या माध्यमातून निखळ आनंद देण्याच्या उद्देशाने स्थापन करण्यात आलेल्या पुण्यातील स्वयम संस्थे तर्फे नेहमीच वैविध्यपूर्ण कार्यक्रमाचे आयोजन केले जाते. विविध संकल्पनां वर आधारित गाण्यांचे सादरीकरण हे स्वयम चे वैशिष्ठ्य आहे. आपल्या सर्वांच्या आवडत्या गायिका आशा भोसले यांनी नुकतेच वयाच्या ८६ व्या वर्षात पदार्पण केले. आशाताईंच्या जन्मदिवसाचे औचित्य साधून स्वयम ने एस. एम. जोशी फाऊंडेशन च्या सभागृहात “आशा -दिल से” या नावाने ‘आशा भोसले महोत्सव’ आयोजित केला होता.’ या मध्ये विविध ‘मुड्स’ दर्शवणाऱ्या तब्बल ८६ गाण्यांचा समावेश केला गेला होता. रफी, किशोर कुमार आणि इतर गायक-गायिकांबरोबर गायलेली लोकप्रिय तसेच पुरस्कारप्राप्त गाण्यांबरोबरच काही मराठी आणि आशाताईंनी गायलेल्या बंगाली आणि इंग्रजी भाषिक गाण्याचा समावेश होता. आशा भोसले यांची सोलो पस्तीस गाणी पुण्याच्या मृदुल निक्ते यांनी या तीन दिवसीय महोत्सवात सादर केली. विवेक पांडे, संयोगिता बदरायणी, उमेश पेडगावकर, रमेश कानडे, अभिजात भिडे, नरेंद्र डोळे, विवेक दाभाडकर आणि अनुपम बॅनर्जी यांनी सह गायन केले. उपस्थित रसिकांना समर्पित केलेल्या गुलजार लिखित मेरा कुछ सामान… या गाण्याला रसिकांची वाहवा मिळाली. कार्यक्रमाचे निवेदन शीतल कापशीकर, डॉ. बीना शहा आणि सतीश सेखरी यांनी केले.

स्वयम् च्या प्रत्येक कार्यक्रमास मनोरंजना सोबत सामाजिक बांधिलकीची जोड असतेच. डॉ. अभिजीत सोनवणे हे गेली काही वर्षे पुण्यातील विविध भागातील भिक्षेकरींवर मोफत औषधोपचार करीत असून त्यांना भीक मागण्या पासून परावृत्त करण्याचे कार्य करतात. त्यांच्या सोहम ट्रस्ट साठी स्वयम ने या महोत्सवाच्या स्थळी दानपेटी ठेवून महोत्सवास आलेल्या रसिक प्रेक्षकांना ऐच्छिक दाना विषयी आवाहन केले होते. या दानपेटी मध्ये जमा झालेल्या निधी मध्ये स्वयम तर्फे काही निधी ची भर घालून महोत्सवाच्या समारोपा दरम्यान हा निधी डॉ. अभिजित सोनवणे आणि त्यांच्या पत्नी डॉ. मनीषा सोनवणे यांना सुपूर्त करण्यात आला. महोत्सवाचे आयोजन कर्नल विवेक निक्ते (निवृत्त) यांनी आणि संयोजन सरिता सिधये यांनी केले होते.

पुणे | ब्रिटिश कौन्सिल व स्माईल (सावित्री मार्केटिंग इन्स्टिट्युशन फॉर लेडीज एम्पॉवरमेंट) तर्फे मिक्स द सिटी इन्स्टॉलेशन पुणेकरांसाठी आणण्यात आले आहे. हा उपक्रम १७ सप्टेंबर ते २१ सप्टेंबर २०१८ दरम्यान विश्रामबागवाडा येथे सकाळी ११ ते ९ वाजेपर्यंत सुरू राहणार आहे.मिक्स द सिटी हे इंटरअ‍ॅक्टिव्ह म्युझिक प्लॅटफॉर्म असून यामध्ये त्या त्या शहरातील संगीत,वाद्ये किंवा स्थळे याचे सादरीकरण करते व वापरकर्त्यांना अभिनव संगीत रचना निर्माण करून ऑनलाईन शेअर करता येते.

पुणे | अमित येवले

१५ सप्टेंबर हा दिवस महान अभियंता भारतरत्न मोक्षगुंडम विश्वेश्वरय्या यांचा जन्मदिन म्हणून दरवर्षी अभियंता दिवस देशभरात साजरा केला जातो. आजच्याच दिवशी १९५९ मध्ये देशात DDNational ने प्रायोगिक तत्वावर अर्ध्या तासाचे प्रसारण सुरू केले होते.

विश्वेश्वरय्या यांनी केवळ अभियांत्रिकी नव्हेच तर उद्योग,अर्थ, नगरसुधार इ. कार्यात मोलाचे योगदान दिले आहे.समर्थ भारत हे त्यांचे स्वप्न होते. त्यांना भारत सरकारने भारतरत्न हा सर्वोच्च किताब बहाल केला. त्यांनी अखेरचा श्वास १४ एप्रिल १९६२ रोजी घेतला. अभियंता दिनाच्या सर्वांना शुभेच्छा..!