पुणे | पुण्याचे ग्रामदैवत समजला जाणारा मानाचा पहिला श्री कसबा गणपती यंदा १२६ वा गणेशोत्सव साजरा करत आहे. यंदाचा मानाचा ‘श्री कसबा गणपती पुरस्कार’ कलाक्षेत्रासाठी अभिनेता सुबोध भावे यांना जाहीर करण्यात आला आहे तर एम.आय.टी. चे राहुल कराड यांना शिक्षण क्षेत्रातील कामगिरीसाठी पुरस्कार जाहीर झाला आहे. कसबा गणपती हा पुण्यातील अग्रगण्य गणपती असून तो मानाचा पहिला गणपती आहे. कसबा गणेश मंडळा तर्फे दरवर्षी कसबा गणपती पुरस्कार देण्यात येतो. यंदाच्या पुरस्कार्थींची नावे मंडळाचे अध्यक्ष श्रीकांत शेटे यांनी पत्रकार परीषद घेऊन जाहीर केली. तसेच यंदा श्रींची प्रान प्रतिष्ठपना राष्ट्रीय स्वयंसेवक संघाचे सचिव भैयाजी जोशी यांच्या हस्ते दिनांक १३ सप्टेंबर रोजी होणार असल्याची माहिती शेटे यांनी सांगितली.

कसबा गणपती पुरस्काराला ३८ वर्षांची परंपरा आहे. समाजातील वेगवेगळ्या क्षेत्रांत विशेष कामगीरी करणार्या ५ खास व्यक्तींना कसबा गणपती पुरस्कार देण्यात येतो. त्यानुसार यावर्षीच्या पुरस्कारांची घोषणा मंडळाचे अध्यक्ष श्रीकांत शेटे यांनी केली. यावर्षीचे मानाचे कसबा गणपती पुरस्कार अभिनेते सुबोध भावे, वैद्य योगेश बेंडाळे, एम.आय.टी. चे राहुल कराड, भारतीय बास्केटबाॅल संघाची कर्णधार शिरिन लिमये आणि प्रकाश दांडगे गुरुजी आदींना जाहीर झाले आहेत.

पुणे | श्री कसबा गणपती सार्वजणीक गणेशोत्सव मंडळाने यावर्षी स्तुत्यजन्य उपक्रम हाती घेतला आहे. महाराष्ट्र प्रदुषण बोर्ड आणि कसबा गणेश मंडळ यांनी संयक्तपणे ई वेस्ट कलेक्शन ड्राईव्ह करण्याचे ठरवले आहे. सध्या ई वेस्ट मुळे पर्यावरणाला मोठ्या प्रमाणावर हानी पोहोचत आहे. यापार्श्वभूमीवर कसबा गणेश मंडळाच्या या उपक्रमाचे पुणेकरांमधे स्वागत केले जात आहे.

सदर ई वेस्ट कलेक्शन ड्राईव्ह कसबा गणेश मंडळामधे गणेशोत्सवादरम्यान राबवला जाणार आहे. खराब झालेली इलेक्ट्रिकल उपकरणे या वेळी मंडळा कडून गोळा करण्याचे काम केले जाईल असे मंडळाकडून सांगण्यात आले आहे. यामधे प्रामुख्याने मोबाईल फोन, लेपटोप, रिमोट, टि.व्ही. आदी वस्तूंचा समावेश असणार आहे. गोळा झालेले ई वेस्ट महाराष्ट्र प्रदुषण बोर्डाकडे पुढील विघटनाच्या प्रक्रीयेकरता देण्यात येणार असल्याचे मंडळाचे अध्यक्ष श्रीकांत शेटे यांनी सांगीतले आहे.

पुणे : पारंपरिक पद्धतीने पालखीतून श्रींच्या मिरवणुकीस सकाळी दहा वाजता रमणबाग चौकातून सुरुवात होईल. मिरवणूक लक्ष्मी रस्ता, विजय चित्रपटगृह, माती गणपतीमार्गे टिळक वाड्यातील सभामंडपात दाखल होईल. मिरवणुकीत श्रीराम आणि शिवमुद्रा ही ढोल-ताशा पथके, बिडवे बंधुंचे नगरावादन पथक सहभागी होणार आहेत. सकाळी अकरा वाजून तीस मिनिटांनी डॉ. रोहित टिळक यांच्या हस्ते श्रींची प्राणप्रतिष्ठापना होईल. त्यानंतर दुपारी 3 ते 4.30 या वेळेत सग्रहमख वरदविनायक याग केला जाणार आहे.