नंदुरबार | हिना गावित यांच्या गाडीवर हल्ला करणारे मराठा आरक्षणाचे आंदोलक पोलिसांनी ताब्यात घेतले आहेत. चार आंदोलकांच्या पैकी तीन आंदोलकांना अटक करण्यात आली असून एका व्यक्तीचा पोलीस तपास करत आहेत. या चारी आरोपींवर अॅट्रॉसिटी कायद्याअंतर्गत कार्यवाही केली जाणार असल्याचे पोलिसांनी सांगितले आहे.
मराठा आंदोलकांनी खासदार हिना गावित यांच्या गाडीवर चढून त्यांच्या गाडीच्या काचा फोडण्यात आल्या होत्या. ही घटना रविवारी ५ ऑगस्ट रोजी नंदूरबार जिल्हाधिकारी कार्यालयाच्या आवारात घडली आहे. काल या घटने बद्दल हिना गावित यांनी लोकसभेत आवाज उठवला होता. तसेच नंदुरबारच्या पोलीस अधीक्षकांच्या निलंबनाची मागणी केली होती. या घटनेच्या निषेधार्थ काल नंदुरबार जिल्ह्यात बंद पाळण्यात आला होता.

नांदेड प्रतिनिधी

नांदेड | दिनांक ६ ऑगस्ट रोजी स्टुडंट्‌स फेडरेशन ऑफ इंडिया तालुका कमिटी तसेच महात्मा ज्योतिबा फुले महाविद्यालय यांच्या‍ संयुक्त विद्यमाने कॉम्रेड अण्णा भाऊ साठे यांची ९८ वी जयंती नांदेड येथे उत्साहात साजरी करण्यात आली. जयंती निमित्त अण्णाभाऊ साठे यांच्या जीवणावर जाहिर व्याख्यान ठेवण्यात आले होते. कार्यक्रमाच्या अध्यक्षस्थानी प्रा. एकलारे सर होते तर प्रमुख वक्ते म्हणुन प्रा.डॉ.आदिनाथ इंगोले लाभले होते.

‘आण्णाभाऊंचे विचार समाजापर्यंत घेऊन जाणे गरजेचे आहे. आण्णाभाऊ हे कुणा एका समाजाचे नसुन ते जनतेचे लोकशाहीर आहेत’ असे प्रतिपादन प्रा इंगोले यांनी केले. यावेळी एस.एफ.आय. चे माजी जिल्हा अध्यक्ष शिवाजी गेडेवाड, अंनिसच्या मेघाताई गऊळकर, जिल्हा उपाध्यक्ष विजय लोहबंदे, जिल्हा कमिटी सदस्य शंकर बादावाड, लोकशाहिर अण्णा भाऊ साठे महाविद्यालयाचे शिक्षक बालाजी लंगेवाड आदी उपस्थित होते.

मुंबई | राज्य सरकारी कर्मचार्यांनी आज पासून राज्यव्यापी संप पुकारला अाहे. राज्य सरकारी कर्मचाऱ्यांना सातवा वेतन आयोग त्वरित लागू करावा, दोन लाख रिक्त पदांची भरती करण्यात यावी तसेच निवृत्तीचे वय हे साठ वर्ष करण्यात यावे या प्रमुख मागण्यांसाठी राज्य सरकारी कर्मचाऱ्यांनी संप पुकारला आहे. या संपामध्ये मंत्रालयातील सर्व कामगार सर्व, प्राध्यापक, शिक्षक शिक्षकेतर कर्मचारी, सर्व जिल्हाधिकारी कार्यालय कर्मचारी, महानगरपालिका, नगरपरिषद कर्मचारी तसेच सरकारी दवाखान्यातील कर्मचारी यांचा सहभाग आहे.
दरम्यान सरकारने विभाग प्रमुखांना कामावर उपस्थित राहून संपावरील कर्मचाऱ्यांच्यावर शिस्तभंग नोटीस काढून शिस्त भंगाची कार्यवाही करण्याचे निर्देश दिले आहेत. या संदर्भात सरकारने परिपत्रक प्रसारित केले आहे.

जेजुरी | सुट्टीवर घरी आलेल्या लष्करी जवानाने विषारी किटकनाशक पिऊन आत्महत्या केल्याची धक्कादायक घटना धालेवाडी भागात घडली आहे. लष्करी सेवेत असलेले चेतन रणदिवे (वय२३) हे सुट्टीवर आले असता त्यांनी आत्महत्या केली आहे.

हाती आलेल्या माहीतीनुसार, श्रीनगर येथे कार्यरत असलेले चेतन सुट्टी घेऊन गावी आले होते. सुट्टी संपत आल्याने ते माघारी लष्करात जाण्यासाठी तयारी करत होते. बॅगा वगैरे भरुन मित्राला भेटायला असल्याचे सांगून चेतन रविवारी चार वाजता दुचाकी मोटार सायकल घरा बाहेर पडले ते आलेच नाहीत. चेतन घरी परत न आल्याने त्याच्या कुटूंबियांनी सोमवारी पोलिसात तक्रार केली. दरम्यान कडे पठारावर दर्शनाला चाललेल्या एका भाविकाला झाडीं मध्ये मृत देह आढळल्याची पोलिसांना बातमी लागली. चेतनच्या बेपत्ता झाल्याची तक्रार पोलिसात आधिच दाखल असल्याने पोलिसांना मृतदेहाची ओळख पटली. मृतदेह चेतनच्या घरच्यांच्या ताब्यात देण्यात आला आहे.

चेतन यांनी विषारी कीटकनाशक पिऊन आत्महत्या केली असल्याचे पोलीसांनी सांगीतले आहे. जेजुरी पोलीस सदर घटनेचा अधिक तपास करत आहेत.
चेतन हे २०१५ साली लष्करात भरती झाले होते. ते श्रीनगर मध्ये कार्यरत होते.

विटा | क्रांतिसिंह नाना पाटील यांच्या नेतृत्वाखाली १९४३ साली स्थापन झालेल्या सातारच्या प्रतिसरकारचे हे ७५ वे अमृतमहोत्सवी वर्ष आहे. त्या निमित्ताने क्रांतिसिंह नाना पाटील यांची भुमी असणार्या विटा येथे विविध कार्यक्रमांचे आयोजन करण्यात आले होते. प्रतिसरकारच्या स्थापनेनिमित्त दिला जाणारा यंदाचा क्रांतिसिंह नाना पाटील पुरस्कार मार्क्सवादी कम्युनिस्ट पक्षाचे सरचिटणीस आणि माजी खासदार कॉ. सीताराम येचुरी यांना देण्यात आला. महाराष्ट्रातील सुप्रसिद्ध पुरोगामी विचारवंत प्रा. डॉ. आ. ह. साळुंखे यांच्या हस्ते हा पुरस्काराच प्रदान करण्यात आला.

यावेळी मा.सिताराम येचुरी यांनी केंद्र व राज्य सरकारच्या शेतकरी, कामगार, कष्टकरी विरोधी धोरणावर टिका केली. तसेच जनतेला पर्यायी विकासनिती असलेल्या डाव्या लोकशाही पर्याय मजबूत करण्याचे आवहान केले. या प्रसंगी प्रमुख अतिथी म्हणून कॉ. नाना पाटील यांच्या कन्या हौसाताई पाटील आणि अखिल भारतीय किसान सभेचे अध्यक्ष कॉ. डॉ. अशोक ढवळे हे उपस्थित होते.