नवी दिल्ली । देशात ज्या वेगाने बेरोजगारी वाढते आहे त्याच वेगाने सायबर फसवणूकीची प्रकरणेही वाढत आहेत. ही लबाड लोकं आपली फसवणूक करण्यासाठी दररोज नवीन मार्ग शोधत आहे. आतापर्यंत तुम्ही UPI मार्फत आपला नातेवाईक बनून, बँकेचा कर्मचारी बनून KYC मार्फत फसवणूक केल्याच्या बातम्या तुम्ही ऐकल्या असतीलच. पण आता या लोकांनी एक नवीन मार्ग शोधला आहे. ते मोबाइल Sim चे KYC पूर्ण करून देण्याच्या बहाण्याने फसवणूक करीत आहे. ज्यामध्ये ते फक्त त्या लोकांना KYC साठी कॉल करतात ज्यांनी पूर्वी त्यांचे नंबर पोर्ट केले आहेत. यासह, त्यांच्याकडे सर्व माहिती असते की, किती दिवसांपूर्वी आपण नंबर पोर्ट केला आहे आणि आपला नंबर आधी कोणत्या कंपनीत होता आणि आता आपण कोणत्या कंपनीची सुविधा घेत आहात. या सायबर ठगांपासून कसे लांब राहावे ते जाणून घेऊयात.
काही जण अशा प्रकारे सापळे रचतात
सायबर ठग तुमची दिशाभूल करण्यासाठी कोणतीही कसर सोडत नाहीत. उदाहरणार्थ, मोबाइल Sim चा रिचार्ज पॅक संपण्यापूर्वी काही दिवस आधी आपल्याकडे SMS येऊ लागतात. त्याचप्रमाणे, सायबर ठग आपल्या Sim चे KYC पूर्ण न केल्यामुळे आपले Sim बंद होत असल्याच्या शेवटच्या तारखेचा उल्लेख करून SMS पाठवतात. सुरुवातीला प्रत्येकजण अशा मेसेजकडे दुर्लक्ष करतो. पण सायबर ठगांनुसार KYC ची ती शेवटची तारीख आहे. त्याच दिवशी आपल्याला ग्राहकांच्या नावावर कॉल करतात आणि ऑनलाईन KYC पूर्ण करण्यास सांगितले जाते. आपण हे न केल्यास, आपले Sim बंद केले जाईल असेही सांगितले जाते. ऑनलाईन KYC पूर्ण करण्याचे मान्य होताच सायबर ठग तुमची दुसर्‍या स्टेप मध्ये फसवणूक करण्याचा प्रयत्न करतात.
फसवणूकीची स्टेप वन
हे सायबर ठग पहिले आपल्याला Google Play Store वरून KYC qs इन्स्टॉल करण्यास सांगतात. आपण हे इन्स्टॉल करताच त्यामध्ये बरेच पर्याय दिसतात. ज्याला सायबर ठग Allow करण्यास सांगतात. आपण सर्व पर्यायांना Allow करताच आपल्या मोबाइलची स्क्रीन सायबर ठगांसह शेअर केली जाते. आता हा प्रश्न तुमच्या मनात येत असेल की हे कसे घडते. हे जाणून घ्या की KYC qs एक Team viewer quicksupport अ‍ॅप आहे. ज्याचा वापर वर्क फॉर होमशी संबंधित समस्येचे निराकरण करण्यासाठी IT कंपनी द्वारे वापरले जाते. ज्यामध्ये एक ID जनरेट केला जातो आणि ते शेअर होताच आपल्या लॅपटॉपची स्क्रीन, मोबाइल दुसर्‍याच्या लॅपटॉपवर शेअर केली जाते. ज्यामुळे आपण आपल्या स्क्रीनवर ज्या काही क्रिया करतो ते स्पष्टपणे दिसते.
फसवणूकीची स्टेप टू
हे सर्व पूर्ण झाल्यानंतर, बनावट ग्राहक सेवा अधिकारी (सायबर ठग) आपल्याला सांगतो की, आपले KYC 60 टक्के पूर्ण झाला आहे. उर्वरित 40 टक्के पूर्ण करण्यासाठी, आपल्या जुन्या सिम प्रोव्हायडर क्रेडिट कार्डद्वारे किंवा डेबिट कार्डसह 10 रुपयांचा ट्रान्सझॅक्शन करावे लागतील. आपण आपल्या जुन्या सिम प्रोव्हायडरचे Ewallet अ‍ॅप डाउनलोड करताच आणि व्यवसायासाठी आपला क्रेडिट किंवा डेबिट कार्ड नंबर, CVV नंबर आणि पिन फीड करता. त्याचप्रमाणे, सायबर ठग Team viewer quicksupport च्या माध्यमातून सर्व माहिती मिळवतात आणि आपले संपूर्ण खाते साफ करतात. अशा परिस्थितीत आपल्याला फसवणूक टाळायचे असल्यास नेहमी सतर्क राहण्याची गरज असते. कारण सायबर ठग यासारख्याच अन्य कोणत्याही युक्तीचा अवलंब करु शकतात.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा