कराड | पुणे- बंगळूर महामार्गावर कराड तालुक्यातील वाठार येथे एका आयशर टेम्पोची दुचाकी स्वाराला ठोकरले असल्याची घटना शनिवारी आज दि. 22 रोजी सकाळी घडली. या घटनेत बापलेक गंभीर जखमी झाले असून त्यांना कराड येथे उपचारासाठी दाखल करण्यात आले आहे.
कराडहून- कोल्हापूरकडे जाणाऱ्या मार्गावर वाठार येथे हा अपघात झाला. या अपघातात दुचाकीवरील गणेश मोहिते व त्यांचा बारा वर्षाचा मुलगा जखमी झाले आहेत. अपघातानंतर घटनास्थळी लोकांनी मोठी गर्दी केली होती. यावेळी जमावाने टेम्पो चालकांस चांगलाच चोप दिला.
वाठार येथे टेम्पो (क्र. एमएच-43- ईएक्स-2934) या ट्रकने दुचाकीला ठोकरले. अपघातात दुचाकीवरील बापलेक गंभीर जखमी झाल्याने त्यांना स्थानिकांच्या मदतीने उपचारासाठी दवाखान्यात दाखल करण्यात आले.