पुणे । शहरात प्रेमप्रकरणातून एका २० वर्षीय तरूणाचा खून झाला आहेविराज विलास जगताप असं या २० वर्षीय तरूणाचं नाव आहे.हा खून मुलीच्या कुटुंबातील ६ जणांनी केला असल्याचा प्रकार उघडकीस आला आहे मुलीच्या कुटुंबातील सहा जणांनी हल्ला केला. ही घटना रविवारी रात्री घडली आहे. या घटनेमुळे शहरात संतापाच वातावरण आहे. मारेकऱ्यांमध्ये मुलीचे वडिल, काका, सख्या आणि चुलत भाऊ अशा एकूण ६ जणांचा खुनात समावेश असून यामध्ये दोन अल्पवयीन देखील आहेत. यापैकी ४ जणांना पोलिसांनी अटक केलं आहे.
पोलिसांनी दिलेल्या माहितीनुसार, पिंपरी चिंचवडमधील सांगवी परिसरातील पिंपळे सौदागर येथील ही घटना आहे. मयत तरूणाचं आपल्या मुलीवर प्रेम असल्याचं लक्षात आल्यावर तरूणीच्या वडिलांनी विराजवर हल्ला केला. प्रकार असा घडला की, तरूण दुचाकीवरून जात असताना तरूणीच्या कुटुंबियांनी टेम्पोने धडक दिली. या धडकेत तरूण खाली कोसळला.
यानंतर त्याने पळून जाण्याचा प्रयन्त केला मात्र, मुलीच्या नातलगांनी त्याचा पाठलाग करत तरूणाला लोखंडी रॉडने मारहाण केली. यामध्ये तरूण जबर जखमी झाला. तात्काळ विराजला खासगी रूग्णालयात घेऊन जाण्यात आलं. परंतु सोमवारी दुपारी उपचारादरम्यान त्याचा मृत्यू झाला. या प्रकरणी सांगवी पोलीस ठाण्यात खून, अनुसुचित जाती जमाती कायद्यांतर्गत गुन्हा दाखल करण्यात आला आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”