हॅलो महाराष्ट्र ऑनलाइन | शिवसेनेने शिंदे गटातील १६ बंडखोर आमदारांवर निलंबनाची कारवाई केल्यानंतर शिंदे गटाने सर्वोच्च न्यायालयात धाव घेतली आहे. बंडखोर आमदारांवर होत असलेल्या अपात्रतेच्या कारवाईला स्थगिती देण्याची मागणी शिंदे गटाकडून करण्यात आली आहे. तसेच अजय चौधरींच्या गटनेते पदाला शिंदे गटाचा आक्षेप असल्याची याचिका देखील दाखल करण्यात आली आहे.
एकनाथ शिंदे गटाकडून दाखल करण्यात आलेल्या याचिकेत सुनील प्रभूंच्या नियुक्तीविरोधात याचिका दाखल करण्यात आली आहे. शिवसेनेने गटनेते, प्रतोद नियुक्त्या अवैध पद्धतीने केल्याचा दावा शिंदे गटाने या याचिकेत केला आहे. बंडखोर गटाने विधानसभेचे उपाध्यक्ष नरहरी झिरवळ यांना हटवण्याची मागणी केली आहे. झिरवळ यांची हकालपट्टी होत नाही तोवर अर्जावर निर्णय होईपर्यंत १६ आमदारांच्या अपात्रतेच्या नोटीसीवर कोणीतीही कारवाई करण्यात येऊ नये अशी विनंती केली आहे.
Rebel Shiv Sena MLA Eknath Shinde approaches Supreme Court against the disqualification notices issued by the Dy Speaker against rebel Maharashtra MLAs. Plea also challenges the appointment of Ajay Chaudhary as the Shiv Sena's legislative leader in the House in place of Shinde. pic.twitter.com/KOBBj6RSiJ
— ANI (@ANI) June 26, 2022
या दोन्ही याचिकेवर आजच सुनावणी पार पडणार असून शिवसेना आणि शिंदेसेना या दोघांचे भवितव्य सर्वोच न्यायालयाच्या निर्णयावर अवलंबून आहे. कपिल सिब्बल आणि अभिषेक मनू सिंघ हे शिवसेनेची बाजू मांडणार आहेत तर हरिश साळवे आणि महेश जेठमलानी एकनाथ शिंदे गटाची बाजू मांडतील. संपूर्ण देशाचे लक्ष्य या सुनावणी कडे असेल
