हॅलो महाराष्ट्र ऑनलाइन | पंढरपूर -मंगळवेढा पोटनिवडणुकीत राष्ट्रवादी काँग्रेसची भरपावसातील सभा सध्या जोरदार चर्चेत असताना माजी मंत्री सदाभाऊ खोत यांनी या सभेवरून राष्ट्रवादीचे प्रदेशाध्यक्ष जयंत पाटील यांना जोरदार टोला लगावला आहे. जयंत पाटलांनी पावसात भिजण्यापेक्षा शेतकऱ्यांची जमीन भिजवावी असा टोला सदाभाऊंनी लगावला.
जयंत पाटील यांनी पावसात भिजण्यापेक्षा 35 गावांचा पाण्याच्या प्रश्न मिटवावा. तुम्ही भिजण्यापेक्षा शेतकऱ्यांची जमीन भिजवा, अशी मागणी खोत यांनी केली. ठाकरे सरकारने शेतकऱ्यांची फसवणूक केली आहे. देवेंद्र फडणवीस यांच्या काळात शेतकऱ्यांना कर्जमाफी केली. पंतप्रधान नरेंद्र मोदी यांनी पीक कर्जाच्या माध्यमातून शेतकऱ्यांना मदत केली, असंही खोत म्हणाले
यावेळी त्यांनी उपमुख्यमंत्री अजित पवार यांच्यावर देखील निशाणा साधला. अजित पावर यांना या पोटनिवडणुकीत काही देणेघेणे नसून त्यांची नजर विठ्ठल सहकारी कारखान्यावर आहे. पवार घराणे राज्यातील सहकार चळवळ मोडीत काढत आहे. अशा शब्दात सदाभाऊ खोतांनी उपमुख्यमंत्र्यांवर हल्लाबोल चढवला.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी हॅलो महाराष्ट्र सोबत जोडले जा. आम्हाला फॉलोअ करा WhatsApp Group | Facebook Page
Click Here to Join Our WhatsApp Group