हॅलो महाराष्ट्र ऑनलाइन | भाजप प्रदेशाध्यक्ष चंद्रकांत पाटील यांनी काही दिवसांपूर्वी राष्ट्रवादी काँग्रेसचे अध्यक्ष शरद पवार आणि राज्याचे मुख्यमंत्री उद्धव ठाकरे यांच्या वर पाठीत खंजीर खुपसण्याचा आरोप केल्यानंतर शिवसेना खासदार संजय राऊत यांनी पाटलांवर पलटवार करत शरद पवारांनी खंजीर खुपसल्याचे एक उदाहरण दाखवा, मी राजकारण सोडतो अस खुलं आव्हान दिले आहे.
शिरूर हवेली येथील मेळाव्यात बोलताना राऊतांनी चंद्रकांत पाटील यांचा समाचार घेतला. चंद्रकांतदादा हरिश्चंद्राचे अवतार आहेत. आम्ही एकत्र काम केलंय. मी तर नेहमी आव्हान देतो शरद पवारांनी खंजीर खूपसल्याचं एक उदाहरण दाखवा. मी राजकारण सोडतो, असं सांगतानाच ही मराठ्यांची औलाद आहे. आम्ही समोरून वार करतो, असा टोला राऊत यांनी लगावला.
मी समोरुन कोथळा काढतो म्हणल्यावर त्यांना राग आला. कारण चंद्रकांतदादांना महाराष्ट्रात शिवसेनेचं सरकार आलेलं सहन होत नाही. पण तुम्ही जेवढे तडफडत राहणार. तेवढी तुमची शक्ती क्षीण होईल असा इशारा देखील राऊतांनी दिला.
