हॅलो महाराष्ट्र ऑनलाइन | शिवसेना खासदार संजय राऊत हे उद्या शिवसेना भवन येथे पत्रकार परिषद घेणार आहेत. स्वतः संजय राऊत यांनी ट्विट करत याबाबत माहिती दिली आहे. उद्या सायंकाळी 4 वाजता ही पत्रकार परिषद होणार असून संजय राऊत उद्या नेमका काय गौप्यस्फोट करणार याकडे शिवसैनिकांसह संपूर्ण राज्याचे लक्ष लागले आहे.
कल शाम चार बजे शिवसेना भवन में प्रेस कॉन्फ्रेंस करूँगा।
जय महाराष्ट्र! pic.twitter.com/cGyOHaGGg4
— Sanjay Raut (@rautsanjay61) March 7, 2022
काही दिवसांपूर्वी संजय राऊत यांनी शिवसेना भवनात पत्रकार परिषद घेऊन भाजपवर घणाघाती टीका करत भाजप नेत्यांवर गंभीर आरोप केले होते. भाजप नेते किरीट सोमय्या यांचा मुलगा नील सोमय्यावर भ्रष्टाचाराचे आरोप केले होते. तसेच पुढील आठवड्यात ईडी चा मोठा घोटाळा बाहेर काढू असा इशारा त्यानी दिला होता.
दरम्यान, केंद्रीय तपास यंत्रणाचा भाजपकडून गैरवापर होत असून जाणूनबुजून महाविकास आघाडीतील नेत्यांना त्रास देण्याचे काम सुरु आहे असा आरोप संजय राऊत यांनी केला होता. संजय राऊत यांनी गतवेळच्या पत्रकार परिषदेत मोठं शक्ती प्रदर्शन करत भाजप वर टीकेचा भडीमार केला होता. त्यामुळे उद्या संजय राऊत नेमकं काय बोलणार अन कोणता खुलासा वगैरे करणार का याकडे सर्वांचे लक्ष्य लागलं आहे
