हॅलो महाराष्ट्र ऑनलाइन | गानसम्राज्ञी आणि भारतरत्न लता मंगेशकर यांचे आज निधन झालं आहे. सकाळी 8 वाजून 12 मिनिटांनी त्यांचे निधन झाले. लता मंगेशकर याना कोरोनाची लागण झाली असून गेल्या 27 दिवसांपासून त्यांना ब्रीच कँडी रुग्णालयात दाखल करण्यात आले होते. लता मंगेशकर यांच्या निधनानंतर सर्वच क्षेत्रातून दुःख व्यक्त केल जात आहे. शिवसेना खासदार संजय राऊत यांनी ट्विट करत लता मंगेशकर याना आदरांजली वाहिली आहे.
एक सूर्य…एक चंद्र…एकच लता… असे ट्विट संजय राऊत यांनी केले. तसेच लता मंगेशकर अमर आहेत असेही संजय राऊत यांनी म्हंटल. संजय राऊत यांनी सर्वप्रथम ट्विट करत लता मंगेशकर यांच्या निधनाची माहिती दिली होती.
एक सूर्य
एक चंद्र…
एकच लता… pic.twitter.com/kRPOpeaZQP— Sanjay Raut (@rautsanjay61) February 6, 2022
दरम्यान, लता मंगेशकर यांनी वयाच्या 93 व्या वर्षी अखेरचा श्वास घेतला. गेल्या महिन्यापासून त्यांना कोरोना आणि न्यूमोनिया ची एकत्र लागण झाली होती. मध्यंतरी त्यांच्या प्रकृतीत सुधारणा झाली होती. मात्र आज त्याची प्राणजोत मालवली.