नवी दिल्ली । जर आपण भारतीय स्टेट बँक (SBI) चे ग्राहक असाल तर आपल्यासाठी खूप महत्वाची बातमी आहे. 1 एप्रिल म्हणजे आज एसबीआय ग्राहकांना यूपीआयद्वारे पेमेंट करणे शक्य होणार नाही. आज दुपारी एसबीआयचा इंटरनेट बँकिंग प्लॅटफॉर्म जवळपास साडेतीन तास ठप्प राहणार आहे. गेल्या साडेतीन तासापासून इंटरनेट बँकिंग, योनो अ‍ॅप आणि योनो लाइट अ‍ॅप उपलब्ध होणार नसल्याचे बँकेने म्हटले आहे. स्टेट बँक ऑफ इंडियाने महत्त्वपूर्ण नोटिस अंतर्गत ट्विट करुन यासंदर्भात माहिती दिली आहे.
सायंकाळी 5:40 पर्यंत सेवेवर परिणाम होईल
एसबीआयने याबद्दल ट्विट करून लोकांना सावध केले आहे, जेणेकरून उर्वरित वेळेत लोक त्यांच्या महत्त्वपूर्ण कामे करू शकतात. बँकेच्या ट्वीटनुसार 1 एप्रिल रोजी दुपारी 1:10 ते संध्याकाळी 5:40 पर्यंत आपण इंटरनेट बँकिंग, योनो अ‍ॅप आणि योनो लाइट अ‍ॅप वापरण्यास सक्षम राहणार नाही. एसबीआयने दिलेल्या माहितीनुसार 1 एप्रिल रोजी बँक ग्राहकांना यूपीआय व्यवहारात अडचण येऊ शकते. कारण आज बँक आपले यूपीआय प्लॅटफॉर्म अपग्रेड करेल, जेणेकरुन ग्राहकांना चांगली सर्व्हिस दिली जाईल. यावेळी ग्राहकांना यूपीआय व्यवहार करण्यात अडचणी येऊ शकतात. यासाठी बँकेने पर्यायही दिले आहेत.
We request our esteemed customers to bear with us as we upgrade our digital banking platforms to provide a better online banking experience.
#SBI #StateBankOfIndia #ImportantNotice #InternetBanking #OnlineSBI pic.twitter.com/4bad0EnRnw— State Bank of India (@TheOfficialSBI) April 1, 2021
बँक म्हणाली – “गैरसोयीबद्दल क्षमस्व”
एसबीआयने ट्वीट केले की, “आम्ही आमच्या ग्राहकांना विनंती करतो की, आम्ही आमचा इंटरनेट बँकिंग प्लॅटफॉर्म अपग्रेड करू जेणेकरून त्यांना ऑनलाइन बँकिंगचा एक चांगला अनुभव मिळावा. या गैरसोयीबद्दल आम्ही दिलगीर आहोत.”
देशभरात एसबीआयचे 44 कोटीहून अधिक ग्राहक आहेत. एसबीआयने डिजिटल व्यवहारांमध्ये जे विक्रम केले त्यातील योनो अ‍ॅपचे मोठे योगदान आहे. आकडेवारीनुसार बँकेने योनोमार्फत 10 लाखाहून अधिक पर्सनल लोनचे वितरण केले आहे.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा