Share Market : आजचा दिवस वाईट मात्र आठवडा चांगला होता, बाजाराची संपूर्ण हालचाल जाणून घ्या

मुंबई । भारतीय शेअर बाजाराने शुक्रवारी पुन्हा एकदा लाल रंग दाखवला. राष्ट्रीय शेअर बाजारात 68.80 अंकांची घसरण झाली, तर बीएसई सेन्सेक्स 190.97 अंकांनी घसरला. आज निफ्टी 0.40% घसरून 17,003 वर आणि BSE सेन्सेक्स 0.33% घसरून 57,124.31 वर बंद झाला. याशिवाय निफ्टी बँक 334.10 अंकांच्या घसरणीसह 34857.10 वर बंद झाला. निफ्टी 50 च्या 50 शेअर्स पैकी 39 शेअर्स आज घसरले आणि 11 शेअर्स कालच्य वर बंद झाले.

शुक्रवारी सकाळी बाजार उघडला, मात्र त्यानंतर लगेचच विक्रीने बाजारात वर्चस्व गाजवले. निफ्टीने 17 हजारांची महत्त्वाची पातळी तोडत 16209 ही नीचांकी पातळी दाखवली. मात्र, बंद होण्याच्या वेळेपर्यंत, बाजाराने 17,000 च्या महत्त्वपूर्ण स्तरावर पुन्हा दावा केला.

या आठवड्यात बाजार वधारला
आजचा दिवस कदाचित लाल दिवस असेल, मात्र जर आपण संपूर्ण आठवड्याबद्दल बोललो तर भारतीय शेअर बाजार हिरव्या रंगात बंद झाला आहे. या आठवड्याबद्दल बोलायचे तर, सोमवारी (20 डिसेंबर 2021) नॅशनल स्टॉक एक्सचेंज 16824 वर उघडला, मात्र त्याच दिवशी 16410 चा नीचांक दाखवला आणि पुन्हा सुमारे 200 अंकांची रिकव्हरी दाखवली.

यानंतर पुढील 3 दिवस शेअर बाजाराची हालचाल बुलसारखी नव्हती, मात्र बेअर्सही बाजारातून गायब होते. शुक्रवार, म्हणजे आजचे क्लोजिंग 17003 वर झाले आहे. त्यानुसार, निफ्टीने या संपूर्ण आठवड्यात उघडल्यापासून 179 अंकांची वाढ केली आहे. गेल्या आठवड्याचे क्लोजिंग 16,985 वर दिसले.