Share Market : सेन्सेक्स 76 अंकांच्या मजबुतीसह 52,55 वर बंद झाला तर निफ्टीनेही घेतली उसळी

मुंबई । आठवड्यातील पहिल्याच ट्रेडिंगच्या दिवशी सोमवारी शेअर बाजार ग्रीन मार्कवर बंद झाला. बाजारात दिवसभर घसरण सुरूच होती परंतु ट्रेडिंगच्या शेवटी बाजार थोडासा फायदा करून बंद होण्यात यशस्वी झाला. मुंबई शेअर बाजाराचा (BSE) सोमवारी ट्रेडिंग संपल्यानंतर सेन्सेक्स 76.77 अंक म्हणजेच 0.15 टक्क्यांच्या वाढीसह 52,551.53 वर बंद झाला. दुसरीकडे, नॅशनल स्टॉक एक्सचेंजचा (NSE) निफ्टी 12.50 अंकांनी किंवा 0.08 टक्क्यांच्या वाढीसह 15,811.85 वर बंद झाला.

घाऊक महागाई वाढली
मे महिन्यात घाऊक महागाईच्या आघाडीवर सरकारला मोठा झटका बसला आहे. मेमध्ये घाऊक महागाई दर एप्रिलमध्ये 10.49 टक्क्यांवरून 12.94 टक्क्यांवर गेला आहे. एका सर्वेक्षणानुसार हे प्रमाण 13.61 टक्के होते.

गौतम अदानी यांना मोठा फटका, हजारो कोटींच्या तीन परदेशी फंडस् फ्रीझ केल्या
नॅशनल सिक्युरिटीज डिपॉझिटरी लिमिटेड अर्थात NSDL ने Albula Investment Fund, Cresta Fund आणि APMS Investment Fund या तीन परदेशी फंडांची खाती गोठविली आहेत. भारत आणि आशियातील दुसर्‍या क्रमांकाचे श्रीमंत व्यक्ती असलेले गौतम अदानी यांच्या अध्यक्षतेखाली असलेल्या अदानी ग्रुपला या बातमीने झटका बसला आहे.

या परदेशी फंडाचे अदानी ग्रुपच्या 4 कंपन्यांमध्ये 43,500 कोटींपेक्षा जास्त शेअर्स आहेत. NSDL च्या वेबसाइटनुसार, ही खाती 31 मे रोजी किंवा त्यापूर्वी गोठविली गेली होती. या बातमीनंतर भारतीय शेअर बाजारामध्ये अदानी ग्रुपच्या कंपन्यांच्या शेअर्समध्ये मोठी घसरण दिसून येत आहे. या बातमीनंतर अदानीच्या 6 पैकी 5 कंपन्यांनी लोअर सर्किट सुरू केली.

राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा

Click Here to Join Our WhatsApp Group

You might also like