औरंगाबाद : धोंड्याची कार्यक्रमात अंगठी आणि चार लाख रुपये हुंडा दिला नाही म्हणून एका 25 वर्षीय विवाहितेला मारहाण करून सासरच्या मंडळींनी छळ केला. या प्रकरणी हर्सूल पोलीस ठाण्यात पतीसह सहा जणांविरोधात गुन्हा दाखल करण्यात आला आहे. संदीप गोकुळ पोटे, गोकुळ त्रिंबक पोटे, मंगल गोकुळ पोटे, प्रदीप गोकुळ पोटे, कविता उमेश भोगे, जयश्री विठ्ठल गवळी (रा.शंकरपूर, ता.गंगापूर, जि. औरंगाबाद) असे गुन्हा दाखल झालेल्या सासरच्या मंडळींची नावे आहेत.
प्रतिभा संदीप पोटे वय-25 या विवाहितेने दिलेली तक्रार अशी की, 25 एप्रिल 2018 रोजी संदीप सोबत तिचे लग्न झाले होते. लागण्याच्या काही महिन्यानंतर पतीने धोंड्याच्या कार्यक्रमात सोन्याची अंगठीची मागणी केली शिवाय हुंड्यापोटी चार लाख रुपये माहेरहून आणण्यासाठी तगादा लावला.
मात्र ही मागणी विवाहिता पूर्ण करू न शकल्याने तिचा सासरच्या मंडळींकडून शिवीगाळ, मारहाण करून मानसिक व शारीरिक छळ करण्यात येत होता. या प्रकरणी विवाहितेच्या फिर्यादीवरून हर्सूल पोलीस ठाण्यात गुन्हा दाखल करण्यात आला आहे.पुढील तपास उपनिरीक्षक संगीता गिरी करीत आहेत.
