नवी दिल्ली । RSS-संलग्न स्वदेशी जागरण मंच म्हणजेच SJM ने म्हटले आहे की,”सरकारने असेट क्लास म्हणून क्रिप्टोकरन्सी ट्रान्सझॅक्शन ओळखण्यासाठी आणि त्यांचे रेग्युलेशन करण्यासाठी कायदा आणावा.” स्वदेशी जागरण मंचचे सह-संयोजक अश्वनी महाजन यांनी सुचवले की,”क्रिप्टोकरन्सीचे ट्रान्सझॅक्शन करण्यासाठी वापरल्या जाणार्‍या देशांतर्गत सर्व्हरवर डेटा आणि हार्डवेअर राहतील याचीही सरकारने खात्री करावी.”
यामुळे सरकारला बेकायदेशीर ट्रान्सझॅक्शन शोधून त्यांच्यावर कारवाई करण्यास मदत होईल, असे ते म्हणाले. महाजन म्हणाले, “सध्या, जगातील कोठूनही कोणीही खाजगी संस्थांद्वारे चालवल्या जाणार्‍या खाजगी एक्सचेंजेसद्वारे गुंतवणूक करू शकते आणि सर्वात वाईट गोष्ट म्हणजे क्रिप्टोकरन्सी कोणत्याही सेंट्रल अथॉरिटीद्वारे रेग्युलेट नाहीत.”
महाजन म्हणाले की,”खाजगी एक्सचेंजेसद्वारे एनक्रिप्टेड ट्रान्सझॅक्शन कसे केले जातात, त्यात कोण गुंतवणूक करत आहेत आणि गुंतवणूकदार त्यांच्यासोबत काय करत आहेत याचा मागोवा घेणारी कोणतीही सिस्टीम नाही. क्रिप्टोकरन्सीचे रेग्युलेशन करणे आणि त्याद्वारे केलेले ट्रान्सझॅक्शन असेट क्लास म्हणून ओळखणे कायद्याने आवश्यक आहे. हे कर आकारणी आणि राष्ट्रीय सुरक्षेच्या उद्देशाने ट्रान्सझॅक्शनची अधिक चांगली समज विकसित करण्यात मदत करेल.”
