निवडणूक आयोग

पुणे पदवीधर व शिक्षक मतदारसंघाची निवडणूक जुलै २०२० मध्ये होत असून पदवीधर व शिक्षक नोंदणीसाठी निवडणूक आयोगाने दिलेली पहिल्या टप्प्यातील मुदत दि. ६ नोव्हेंबर रोजी संपली. यामध्ये शिक्षक मतदारसंघासाठी ५३,६४१ मतदारांची नोंदणी झाली असून सर्वाधिक यामध्ये पुणे १८७१४, सोलापूर १०९३९, कोल्हापूर १०७१४, सातारा ६९४१ तर सांगली जिल्ह्यात ६३२३ इतकी नाव नोंदणी झाली आहे. पदवीधर मतदार संघामध्ये पुणे ५९४१९, सोलापूर ३७७५१, कोल्हापूर ७५८२३, सातारा ५७४७३ तर सांगली जिल्ह्यात ७३७८८ इतकी नोंदणी झाली आहे. परंतु अजूनही अनेक पदवीधर व शिक्षक नोंदणीपासून वंचित राहिलेले आहेत. त्यामुळे मतदार नोंदणीसाठी समता फौंडेशनचे अध्यक्ष प्रा. डॉ. बापू चंदनशिवे यांनी पत्राद्वारे सातारा व सोलापूर येथील निवडणूक अधिकाऱ्यांना मुदतवाढीसाठी आवाहन केले होते.