हॅलो महाराष्ट्र ऑनलाईन । दाक्षिणात्य सिनेविश्वातील प्रसिद्ध अभिनेत्री तमन्ना भाटियाच्या सौंदर्याचे अनेक चाहते आहेत. बाहुबली सिनेमामुळे तमन्ना खूपच लोकप्रिय झाली आहे. गेल्या काही दिवसांपासून ‘डार्लिंग्स’ स्टार विजय शर्मासोबत रिलेशनशिपमध्ये असल्याच्या चर्चा सुरु होत्या. त्यांचा लिप लॉकचा व्हिडीओ सोशल मीडियावर व्हायरल झाला होता. पण एकेकाळी तमन्ना पाकिस्तानी क्रिकेटरशी लग्न करणार असल्याच्या चर्चाही चांगल्याच रंगल्या होत्या.
https://www.instagram.com/reel/ClONg8qDyYp/?utm_source=ig_web_copy_link
दाक्षिणात्य सिनेविश्वातील प्रसिद्ध अभिनेत्री तमन्ना भाटिया आणि पाकिस्तानी क्रिकेटर्शी लग्न? या विचाराने तिचे चाहतेही हैराण झाले होते. तो क्रिकेटर कोण? प्रश्नही त्यावेळी बॉलिवूडमध्ये विचारला जात होता. पाकिस्तानी क्रिकेटर अब्दुल रझाकसोबत तमन्ना भाटियाचे नाव जोडले गेल्याने तमन्ना आणि अब्दुल हे रिलेशनशिपमध्ये असल्याच्या चर्चा सुरु होत्या. विशेष म्हणजे दोघे लवकर लग्न बंधनात अडकणार असेही बोलले जात होते.
https://www.instagram.com/p/CTWcq4Ork_s/?utm_source=ig_web_copy_link
यामागचे कारण तसे खास आहे कारण तमन्ना आणि अब्दुलनं एकत्र एका ज्वेलरी शॉपचे उद्घाटन केले होते. तमन्नाचे अब्दुलसोबतचे ज्वेलरी शोरूमधील फोटो सोशल मीडियावर व्हायरल झाले होते. ते फोटो पाहिल्यानंतर तमन्नाच्या चाहत्यांना मोठा धक्का बसला होता. त्यामुळेच त्यांच्या लग्नाच्या बातम्या समोर येऊ लागल्या होत्या.
तमन्ना भाटिया आणि क्रिकेटर अब्दुल रजाक यांच्या लग्नाच्या बातमीने अख्य्या बॉलिवूडमध्ये गोंधळ उडाला होता. त्यावेळी तमन्नाची टेनिसपटू सानिया मिर्झासोबत तुलना होऊ लागली होती.