औरंगाबाद – शहरातील क्रांती चौक येथे छत्रपती शिवाजी महाराज यांच्या अश्वारूढ पुतळ्यास साठीचा चौथऱ्यावर काल स्लॅब टाकण्याचे काम करण्यात आले. 15 जानेवारीपर्यंत छत्रपतींचा पुतळा पुणे येथून शहरात येणार असल्याचे शहर अभियंता सखाराम पानझडे यांनी सांगितले.
क्रांती चौक येथे छत्रपती शिवाजी महाराजांचा पुतळा उभारण्यासाठी च्या चौथऱ्याचे काम अंतिम टप्प्यात आले आहे. उड्डाणपुलाच्या उंचीच्या समांतर चौथा याची उंची राहणार आहे. पुणे येथील डायरीच्या थोपटे यांच्या स्टुडिओमध्ये हा पुतळा तयार करण्यात आला आहे. राज्य सरकारच्या कला संचालनालयाने पुतळ्याची पाहणी केली आहे. मनपाकडून हा पुतळा शहरात आणण्याची तयारी करण्यात येत आहे. सुरक्षेची सर्व तयारी व पोलिस बंदोबस्त घेऊन हा पुतळा बसवण्यात येईल. क्रांती चौक उड्डाणपुलाखाली मोकळ्या जागेत स्मार्ट सिटी च्या माध्यमातून शिवसृष्टी उभारण्याचा निर्णय घेतला आहे. या कामालाही सुरुवात झाली आहे.
दृष्टीक्षेपात पुतळा –
एकूण उंची – 52 फूट
नवीन चौथरा – 31 फूट
पुतळ्याची उंची – 21 फूट
चौथऱ्याचा खर्च – 2.5 कोटी
पुतळ्याचा खर्च – 1 कोटी