जालना – शहरातील टांगा स्टँड येथे जुन्या वादातून दोन टोळक्यात हाणामारी सुरू झाली. मात्र काही वेळातच या हाणामारीने दंगलीचे स्वरूप घेतले. यात एक जण गंभीर जखमी झाला. पोलीस तात्काळ घटनास्थळी दाखल झाल्याने परिस्थिती वेळीच आटोक्यात आणत बाजारपेठ पुन्हा सुरू झाली.
टांगा स्टँड येथ दोन जणांमध्ये जुन्या कारणावरून वाद झाला. या वादाचे रूपांतर दंगलीत झाले. दोन समाजाचे काही जण एकत्र येऊन हातामध्ये धारदार शस्त्र घेऊन फिरत होते.
या घटनेची माहिती मिळाल्यानंतर पोलिसांनी तत्काळ घटनास्थळी धाव घेतली. अपर पोलिस अधीक्षक विक्रांत देशमुख, पोलिस उपविभागीय अधिकारी नीरज राजगुरू, स्थानिक गुन्हे शाखेचे पोलिस निरीक्षक सुभाष भुजंग, सदर बाजार प्रभारी अधिकारी सहायक पोलिस निरीक्षक ज्ञानेश्वर पायघन, वाहतूक शाखेचे पोलिस निरीक्षक एम. ए. सय्यद, कदीम जालना पोलिस ठाण्याचे सहायक पोलिस निरीक्षक महेश टाक व इतर पोलिस अधिकारी कर्मचारी घटनास्थळी दाखल झाले.
