औरंगाबाद | रिक्षामधून आलेल्या चोरट्यानी एकाच रात्री चार दुकाने उचकटून रोख, व दुकानातील साहित्य लंपास केल्याची घटना बुधवारी पहाटे तीन ते चार वाजेच्या सुमारास पुंडलिकनगर पोलीस ठाणे हद्दीतील शिवाजीनगर भागात समोर आली आहे. लाखो रुपयांचा ऐवज चोरीला गेल्याची शक्यता वर्तविण्यात येत आहे.
मात्र वृत्त देईपर्यंत दुकानदारांच्या फिर्यादीवरून गुन्हा दाखल करण्याची प्रक्रिया सुरू असल्याने नेमकं किती रुपयांचा ऐवज चोरट्यानी लंपास केला आहे. ते स्पष्ठ होऊ शकले नव्हते.
शिवाजीनगर भागातील सद्गुरू इम्पोरियम, पूनम एनर्जी पवार, आय केअर सेंटर व एक इतर दुकान अशा चार दुकानांना रात्रीच्या अंधारात चोरट्यानी लक्ष केले. या दुकानाचे शटर उचकटून चोरट्यानी आत प्रवेश करून दुकानातील रोख आणि विक्रीचे साहित्य लंपास केले.
दरम्यान एका नागरिकाने आरडाओरड केल्याने चोरटे रिक्षातून पसार झाले.या घटनेची माहिती प्राप्त होताच पुंडलिकनगर पोलीस ठाण्याचे साह्ययक निरीक्षक घनश्याम सोनवणे यांनी पथकासह घटनस्थळाची पाहणी, पंचनामा केला. दुपारपर्यंत गुन्हा दाखल करण्याची प्रक्रिया सुरू असल्याने नेमकं किती रुपयांचा ऐवज चोरी गेला हे स्पष्ठ होऊ शकले नव्हते.