सातारा | राष्ट्रवादीचे नेते आणि सातारचे खासदार उदयनराजे भोसले यांनी आज भाजप सरकारवर चांगलीच स्तुतीस्तुमने उधळली. आपल्या भाषणातून ‘आगामी लोकसभा – विधानसभा निवडणुकीत भाजपाला भरभरुन यश मिळेल’ असा संकेत भोसले यांनी दिल्याने राष्ट्रवादीच्या गोटात एकच खळबळ उडाली आहे. केंद्रीय मंत्री नितीन गडकरी, मुख्यमंत्री देवेंद्र फडणवीस यांच्या हस्ते आयोजित विकासकामांचे भूमीपूजन कार्यक्रमात ते बोलत होते.
‘केवळ माझ्याच मतदार संघात नव्हे तर ठिकठीकाणी सरकारणी जी कामे केली आहेत त्याची पोचपावती लोकं सरकारला देतील याची मला खात्री आहे’ असं म्हणुन उदयनराजें यांनी नकळत आगामी लोकसभा – विधानसभा निवडणुकांत भाजपाला यश मिळेल असा संकेत दिला. बोलण्यापेक्षा काम करणं आणि वस्तुस्थितीत पाहणं याला जास्त महत्व असतं. बोलणारे भरपूर असतात मात्र करणारे कमी असतात असंही उदयनराजे यावेळी म्हणाले.
‘जे समाजाचं हित जोपासतात, जे समाजासाठी झटतात त्यांच्या पाठीमागे नक्कीच लोक उभे राहतात. असं म्हणुन उदयनराजेंनी भाजपची स्तुती केली. उदयनराजेंनी भाषणातून भाजपाला आपलंसं करण्याचा प्रयत्न केल्याचं बोललं जात आहे. आगामी लोकसभा विधानसभा निवडणुकीत भाजपाला भरभरुन यश मिळेल असा संकेत उदयनराजेंनी दिल्याने राष्ट्रवादीच्या गोटात एकच खळबळ उडाली आहे.
ताज्या घडामोडी आणि हटके लेख घरबसल्या मोफत मिळवण्यासाठी आजच आमचा WhatsApp ग्रुप जाॅइन करा. Facebook Page लाईक करा.
Facebook Page – Hello Maharashtra
इतर महत्वाचे –
शरद पवारांनी मला कळकळून मिठी मारली आणि सांगीतलं तुम्ही आमचेच आहात – उदयनराजे भोसले
उदयनराजेंचं काय करायचं? राष्ट्रवादीच्या आमदारांनी घेतली शरद पवारांची भेट
शरद पवार पुण्यातून लढवणार लोकसभा ?
